सुनसरीको कोशी गाउँपालिकामा मानव अधिकार समूहको मासिक बैठक सम्पन्न भएको छ । अनौपचारिक क्षेत्र सेवा केन्द्र (इन्सेक) १ नम्बर प्रदेश तथा मानव अधिकार समुह कोशीको सहकार्यमा विगत तीन वर्षदेखी गाउँपालिकामा भएका समस्या सरोकारवालाहरुको पहिचान तथा कार्ययोजना निर्माण गर्दै काम गर्दै आएकोमा साउनको बैठकको आयोजना गरेको हो ।
मानव अधिकार समूह कोशीका अध्यक्ष राजकुमार शर्माको अध्यक्षतामा बसेको बैठकमा गाउँपालिकाका विभिन्न वडामा रहेका स्वास्थ संस्था र पशु सेवा केन्द्रहरुको अनुमगमन गर्ने र त्यहाँका शाखा तथा निकाय सम्बन्धित समस्याहरुको पहिचान गर्ने , राम्रा अभ्यासहरुको प्रचारप्रसार गर्ने र सुधार गर्नुपर्ने पक्ष देखिएको खण्डमा सुझाव समेत दिने गरि अनुगमन गर्ने निर्णय गरेको समूहका सचिव विष्णु कुमार यादवले जानकारी दिनुभयो ।
बैठकमा समूहका उपाध्यक्ष श्याम खंग, सदस्य गिता पौडेल, रिनाकुमारी मण्डल, जानुका शिवाकोटी, र गुदावी शर्मा सहितका पदाधिकारीको उपस्थिती रहेको थियो । बैठकमा सहभागिहरुले कोशी गाउँपालिकालाई नमुना बनाउनका लागि सबैसंग सहकार्य र समन्वय गर्नेमा पनि जोड दिएका थिए । त्यसैगरी मावि तथा आधारभुत विद्यालयको प्राविमा शिक्षाको गुणस्तर खस्केकोले सम्बन्धित समस्या पहिचान गरि कार्ययोजना बनाउन जोड दिएका थिए ।
