जयकृष्ण यादव । इनरुवा
इनरुवा, असोज १६ गते । अगामि मंसिर ४ गते हुने संघीय र प्रदेश सभा सदस्य निर्वाचनका लागि शान्ती सुरक्षामा सशस्त्र प्रहरी र नेपाल प्रहरीसगै खटिने म्यादी प्रहरीको छनौट प्रकृया जारी रहेको छ । सुनसरीको १२ वटा स्थानीय तहमा आवश्यक गर्ने दुई हजार चार सय ९५ जना म्यादी प्रहरीको छनौट प्रकृया जारी रहेको प्रहरीले जनाएको छ । जिल्ला सदरमुकाम इनरुवा नगरपालिका १ खेल मैदानमा लिएको शारिरिक परीक्षण, लिखित परीक्षाको सफल उम्मेदबारहरुको नाम सार्वजनिक गरेको छ भने पूर्व म्यादी र सुरक्षाकर्मीहरुको परीक्षाको नतिजा असोज २५ भित्रै सार्वजनिक गर्ने भएको छ ।
