रामधुनी । सुनसरीको रामधुनी नगरपालिकाले परम्परागत कृषिलाई आधुनिकिकरण र व्यवसायीकरण गर्ने घोषणा गरेको छ ।
आइतबार नगरपालिकाको चौधौं नगर सभामा आर्थिक बर्ष २०८०/०८१ को नीति तथा कार्यक्रम प्रस्तुत गर्दै मेयर शंकरलाल चौधरीले यस्तो घोषणा गरेका हुन् ।
‘निर्वाहमुखी परम्परागत कृषि तथा पशुपालन व्यवसायलाई संरक्षण गर्दै उन्नत पशुपालनको व्यवस्था मिलाई कृषिको आधुनिकिरकण र व्यवसायीकरणमा जोड दिइनेछ ।’ मेयर चौधरीले प्रस्तुत गरेको नीति तथा कार्यक्रममा भनिएको छ ।
नगरपालिकाले गाई भैसी, धान र तरकारी पकेट क्षेत्रलाई अझ व्यवस्थित र प्रभावकारी बनाउँन विभिन्न कार्यक्रमसमेत संचालन गर्ने भएको छ । त्यस्तै, बाली तथा पशुपंक्षी बिमा कार्यक्रमलाई कृषक स्तरमा पुर्याउँन प्रचार–प्रसारको व्यवस्था गर्ने नगरपालिकाले घोषणा गरेको छ ।
