जयकृष्ण यादव , इनरुवा । असोज ७ गते आफूले बचत गरेको रकम फिर्ताको गर्न माग गर्दै सुनसरीको इटहरीमा रहेको अम्बे कोशी बचत तथा ऋण सहकारी संस्थाका बचतकर्ताहरु आन्दोलित भएका छन् । सयौंको संख्यामा बचतकर्ताहरुले बचत गरेको रकम फिर्ता दिन सहकारीद्धारा अनाकानी गरेको भन्दै सहकारी विरुद्ध आन्दोलन थालेका छन् ।
बचतकर्ताहरु आन्दोलित हुदै आईतबार जिल्ला सदरमुकाम इनरुवा स्थित प्रदेश सहकारी रजिष्टार तथा प्रशिक्षण कार्यालय घेराउ गरेका छन् । सहकारी पीडितहरुले अम्बे कोशी बचत पीडित सर्घष समिति बनाएर सहकारीबाट आफूहरुले जम्मा गरेको बचत रकम फिर्ता पाउनुपर्ने, सहकारीको लुटधन्दा बन्द गर्नुपर्ने माग सहित प्रशिक्षण कार्यालय घेराउ गरेका हुन् । बचतकर्ताको रकम फिर्ता गर , संचालक समितिको तीन पुस्ते सम्पती रोक्का गर, लेखापरिक्षण प्रतिवेदन सार्वजनिक गर, संचालक समिति मुर्दावाद लोखिएको प्लेकार्ड सहित बचतकर्ताहरु आन्दोलित भएका स्थानीय नविनचन्द्र अधिकारीले बताउनुभयो ।
संस्थाले बचतकर्ताको रकम फिर्ता गर्न नसकेको भन्दै आईतबार सहकारी पीडित संर्घष समितिले कार्यालय घेराउ गर्दै नाराबाजी गरेका छन् । सहकारी संस्थाले बचतकर्ताको रकम फिर्ता गर्न नसक्दाँ पाँच हजार बढी सेवाग्राहीहरू मर्कामा परेका छन् । बचतकर्ताको रकम फिर्ता दिनुपर्ने उल्टै बजारमा दैनिक र साप्ताहिक बचन संकलन गर्ने गरेको भन्दै उनीहरूले सहकारीलाई कारबाही गर्न समेत माग गरेका छन् ।
‘हाम्रो बचतको ग्यारेन्टी गर, बचत कर्ताको रकम तुरुन्त फिर्ता गर’ लगायतका माग राख्दै बचतकर्ता आन्दोलनमा उत्रिएको र वार्ताका लागि पहल भईरहेको प्रशिक्षण कार्यालयका शिव नेपालले जानकार िदिनुभयो । सहकारी पीडित संर्घष समितिका सदस्यहरुका अनुसार बचनकर्ताको ४० करोड बढी रुपियाँ खाएर संचालक समिति भागीभागी हिडेका छन् । बचतकर्ताको सो रकम फिर्ता नहुँदा आफूहरूको आन्दोलन जारी रहने दावी गरेका छन् ।
सहकारीका कोशी प्रदेश कार्यालयले एकै पटक बचतकर्ता पैसा फिर्ता माग्न कार्यालय घेर्न थालेपछि समस्या उत्पन्न भएको जनाएको छ
१, अम्बे कोशी बचत तथा ऋण सहकारी संस्थाका बचतकर्ताहरु आईतबार सुनसरीको इनरुवा स्थित कोशी प्रदेश सहकारी रजिष्टार तथा प्रशिक्षण कार्यालय घेराउ गर्दै ।
तस्विर ः जयकृष्ण यादव । इनरुवा
