सुनसरी । सुनसरीको भोक्राहा नरसिंह गाउँपालिकामा ७५ औं विश्व मानव अधिकार दिवशको अवसरमा विभिन्न क्षेत्रमा योगदान गर्नेहरुलाई भोक्राहा मानव अधिकार समुहले सम्मान गरेको छ ।
बालबालिका र महिलाको क्षेत्रमा महिला स्वास्थ्य स्वयमसेविका तथा स्वास्थ्यकर्मीको रुपमा योगदान गरेको भन्दै स्वास्थ्यकर्मी सुनिता साह, रुकसना खातुन समेतका ५० जानालई सम्मान गरेको हो ।
बालबालिका, महिला र मानवअधिकारको क्षेत्रमा प्रत्यक्ष र परोक्ष रुपमा योगदान गरेको भन्दै अनौपचारिक क्षेत्र सेवा केन्द्र इन्सेक सुनसरी, मानव अधिकार समूह भोक्राहा नरसिंह र भोक्राहा नरसिंह गाउँपालिकाले संयुक्त रुपमा ७५ औं विश्व मानव अधिकार दिवशको अवसरमा विभिन्न क्षेत्रमा योगदान गर्ने ५० जनालाई एकसाथ सम्मान गरेको छ ।
भाक्रोहा नरसिंह गाउँपालिकामा पाँच वर्षअघि गठन भएको मानवअधिकार समूहले गाउँमा मानवअधिकार र बालअधिकारको पक्षमा प्रत्यक्ष काम गर्ने महिला स्वास्थ्य स्वयमसेविका सहित स्वास्थ्यकर्मी र अधिकारकर्मीहरुलाई भव्यताका साथ सम्मान गरेको जनाएको छ । सम्मानितहरुमा मानव अधिकार सञ्जालका संयोजक रमेश भट्टराई, तोया गिरी, आलम अंसारी, इन्सेकका जिल्ला प्रतिनिधि जयकृष्ण यादव समेत रहनुभएको छ ।
गाउँटोलदेखी जिल्लासम्म मानवअधिकारको क्षेत्रमा योगदान गरेको भन्दै विभिन्न विधाका व्यक्तिहरुलाई सम्मान कार्यक्रम गरी दोस्सला लगाएर सम्मान गरेको मानव अधिकार समूह भोक्राहा नरसिंह अध्यक्ष नुनुलाल साहले जानकारी दिनुभयो । समूहका सचिव रविन्द्र कुमार यादवले सञ्चालन गर्नुभएको कार्यक्रममा भोक्राहा नरसिंह गाउँपालिकाका अध्यक्ष अजमल अख्तर आजाद, प्रमुख प्रशासकिय अधिकृत सुवर्ण घिमिरे, महिला तथा बालबालिका शाखा प्रमुख तुलासा घिमिरे, मानव अधिकार सञ्जालका संयोजक रमेश भट्टराई, आवर मिसनका अध्यक्ष तोया गिरी, भोक्राहा नरसिंह २ का वडा अध्यक्ष आलम अंसारी, इन्सेक जिल्ला प्रतिनिधि जयकृष्ण यादव लगयातकाले अन्तारिष्टय मानव अधिकार दिवशको औचित्यका बारेमा बोल्नुभएको थियो । वत्ताहरुले जिल्लामा नुमना कार्यक्रम स्वरुप ७५ औं विश्व मानव अधिकार दिवशको अवसरमा गाउँटोलमा कसैको ध्यान नगएको तर महत्वपूर्ण योगदान गर्नेहरुलाई सम्मान गरेकोमा प्रसंशा गर्नुभएको थियो ।
