इनरुवा । सुनसरीको सदरमुकाम समेत रहेको इनरुवा नगरपािलकामा एकपछि अर्को गैरकानुनी काम भईरहेको छ । कानुनका विधार्थी र पूर्व कानुन व्यवसाय रहेको नगर प्रमुख केदार भण्डारीले नै गैरकानुनी काम गर्न उद्ध्त देखिएका छन् । भण्डारीले संघीय सरकारको आधारभुत तह कक्षा ८ को परीक्षामा नियम विपरित गरेका छन् । आधारभुत तह कक्षा ८ को परीक्षा सञ्चालन तथा प्रमाणीकरण सम्बन्धी मापदण्ड २०७६ मा ग्रेड वृद्धि परीक्षा शैक्षिक सत्र सुरु भएको १५ दिन भित्रमा सक्नुपर्नेमा मोनोपोली गरेको पाइएको छ । शिक्षा, विज्ञान तथा प्रविधि मन्त्रालयले जारी गरेको मापदण्ड विपरीतको कार्य गर्नमा इनरुवा नगरपालिका उद्धत देखिएको छ । यहाँ मापण्डको परिक्षेत्र ६ को २१ मा ग्रेड वृद्धि परीक्षाको व्यवस्था गरेको छ । त्यसमा पूर्ण ग्रेड वृद्धिको नतिजा शैक्षिक सत्र सुरु भएको १५ दिनभित्र अर्थत १५ बैशाखसम्ममा सार्वजनिक गरी सक्नुपर्नेमा समयमा नतिजा त के अझै ग्रेड वृद्धि परिक्षाकै तयारीमा जुटेको देखिन्छ । त्यसैले गैरकानुनी काम गर्ने नगर प्रमुख र शिक्षा शाखालाई फेललाई पास गराउने हतार भन्दा कक्षा कोठामा कसरी राम्रो पढाई हुने हो ? त्यसको वतावरण निर्माण र प्रभावकारी अनुगमनमा लाग्नु नै बेश देखिन्छ । इनरुवामा कक्षा ८ को ५० प्रतिशत बढी विधार्थी फेल भएका छन भने सामुदायिक तर्फ मुस्किलले २४ प्रतिशत पास भएका छन् ।
अव आ आफ्नै विधालयमा ग्रेड वृद्धि परीक्षा लिदाँ त्यसको विश्वशनियता माथि नै प्रश्न छ किनभने बढीमा दुई विषयमा ग्रेड वृद्धिको परीक्षा लिनुपर्नेमा प्रधानाध्यापकहरुको दावबमा चार वटा विषयमा फेललाई समेत परीक्षामा सामेल गराउनु नै शंकाको घेरामा देखिन्छ । समयमा नतिजा त के अझै ग्रेड वृद्धि परिक्षाकै तयारीमा जुटेको देखिएकाले विधार्थी र अभिभावक दुवैलाई धोका नदेउ नगर सरकार
।
