राष्ट्रिय परीक्षा बोर्ड, परीक्षा नियन्त्रण कार्यालय कक्षा -१० ले २०८१ सालमा सञ्चालन हुने माध्यमिक शिक्षा परीक्षा कक्षा १० (एसईई)मा समावेश हुने विद्यार्थीको लागि परीक्षा फाराम खुला गरेको छ।
बोर्डले आज शुक्रबार एक सार्वजनिक सूचना जारी गर्दै फाराम भर्न आग्रह गरेको हो।
कक्षा १० मा नियमित रूपमा अध्ययनरत विद्यार्थीहरूले (माध्यमिक तहको खुला तथा वैकल्पिक विद्यालय, अनौपचारिक प्रौढ विद्यालय र प्राविधिक धार तर्फका विद्यालयमा अध्ययनरत विद्यार्थीहरू समेत) यही पुस १२ देखि माघ १२ गतेभित्र फाराम भर्न भराउन आग्रह गरिएको छ।
सबै शिक्षा विकास निर्देशनालय, बोर्डका प्रदेश र शाखा कार्यालय, शिक्षा विकास तथा समन्वय इकाईं, स्थानीय तहका शिक्षा शाखा, महाशाखा, विद्यालय तथा विद्यार्थीलाईसमेत समयमै एसईई परीक्षाको फारम भराउन कार्यालयले आग्रह गरेको हो।
फारामसहित प्रतिपरीक्षार्थी परीक्षा दस्तुर ५०० रुपैयाँ लाग्ने बोर्डले सूचनामा उल्लेख गरेको छ।
