इनरुवा । सुनसरी जिल्लाको देवानगंज गाउँपालिका वडा नं. ३ स्थित अर्बिन कुमार यादवको घर र कोठामा इलाका प्रहरी कार्यालय देवानगंजबाट प्रहरी निरीक्षक कमल बिष्टको कमाण्डमा, कोशी प्रदेशका PIT शाखा र जिल्ला प्रहरी कार्यालय सुनसरीको सादा पोसाकको संयुक्त टोलिले २०८१ सालको माघ १५ गते बिहान १०:०० बजेको समयमा कानून बमोजिम खानतलासी गर्दा लुकाई छिपाई राखेको ३९.२९० के.जि. अवैध गाँजा बरामद गरेका छन्। गाँजा २ वटा जेब्रा झोला र खाल्टो खनि ड्रम भित्र प्लाष्टिकले प्याक गरी राखिएको थियो।
निजको श्रीमति, ३५ वर्षीया सोनी कुमारी यादवलाई नियन्त्रणमा लिई थप अनुसन्धान कार्य भइरहेको जानकारी प्रहरी स्रोतले दिएको छ।
यस घटनामा प्रहरीको सक्रियता र संयुक्त टोलीको प्रयासले यस किसिमको आपराधिक क्रियाकलापलाई नियन्त्रण गर्न महत्त्वपूर्ण भूमिका खेलेको छ।
