रविन्द्र कुमार यादव,इनरुवा । भोक्राहा नर्सिङ गाउँपालिका–४, चिरौली चोकस्थित शिव मन्दिरमा मूर्ति स्थापना (प्राणप्रतिष्ठा) अन्तर्गत आज भव्य कलश यात्रा सम्पन्न भएको छ।
धार्मिक विधि अनुसार आयोजना गरिएको कलश यात्रामा सयौं भक्तजनहरू सहभागी भएका थिए। स्थानीय श्रद्धालुहरू, विभिन्न धार्मिक गुरुहरू तथा समाजसेवीहरूको उपस्थिति रहेको उक्त यात्रामा भक्तजनहरूले परम्परागत बाजागाजासहित नाचगान गर्दै नदीबाट पवित्र जल भरेर मन्दिरसम्म पु¥याएका थिए।
कलश यात्रामा भोक्राहा नरसिंह गाउँपालिका अध्यक्ष अजमल अख्तर आजाद, उपाध्यक्ष सुनिता कुमारी उराँव, वडाका अध्यक्षहरू, स्थानीय पत्रकार, सुरक्षाकर्मी, समाजसेवी, तथा स्थानीय भक्तजनहरूको उल्लेखनीय उपस्थिति रहेको थियो।
कलश यात्रापछि विधिवत रूपमा मन्दिरमा विशेष पूजाअर्चना गरिएको थियो। आयोजक समितिका अनुसार मूर्ति प्राणप्रतिष्ठा महोत्सव अन्तर्गत विभिन्न धार्मिक तथा सांस्कृतिक कार्यक्रमहरू आगामी केही दिनसम्म सञ्चालन हुनेछन्।
स्थानिय बासिन्दाहरूले नयाँ मूर्ति स्थापना भएसँगै मन्दिरको धार्मिक तथा सांस्कृतिक महत्त्व अझ बढ्ने विश्वास व्यक्त गरेका छन्। आयोजकहरूले मन्दिरको विकास तथा संरक्षणका लागि सबैलाई सहयोगको अपिल गरेका छन्।
