विराटनगर । सुनसरी जिल्लाको इनरुवा नगरपालिका वडा नं-२ निवासी नुरुद्दीन मियाँकी छोरी अनजुम अरा अस्ट्रेलियामा मास्टर अफ प्रोफेस्नल अकाउन्ट (MPA) परीक्षा उत्तीर्ण गर्दै प्रथम स्थान हासिल गर्न सफल भएकी छिन्।
किङ्ग्स ओन इन्स्टिच्युट, सिड्नी अस्ट्रेलियामा अध्ययनरत अनजुमले आफ्नो उत्कृष्ट प्रदर्शनका साथ नेपालको नाम अन्तर्राष्ट्रिय स्तरमा उजागर गरेकी छिन्। यस प्रतिष्ठित परिक्षामा नेपालसहित भारत, पाकिस्तान, बाङ्लादेश, चीन, जापान, कोरिया, भुटान, ब्राजिल, इन्डोनेसिया, फिलिपिन्स, अस्ट्रेलिया, मलेसिया, टर्की, लन्डन लगायतका अन्य देशका करिब ६०० विद्यार्थीहरु सहभागी थिए।
अनजुम अराले ४.४ जिपिए प्राप्त गर्दै अस्ट्रेलियामा मास्टर अफ प्रोफेस्नल अकाउन्ट (MPA) मा उत्कृष्ट स्थान हासिल गरेकी हुन्। उनका यस सफलता नेपालका लागि गौरवको विषय बनेको छ।
उक्त उपलब्धिले नेपालका विद्यार्थीहरूका लागि प्रेरणादायी उदाहरण प्रस्तुत गरेको छ, जसले अन्तर्राष्ट्रिय शैक्षिक क्षेत्रमा पनि नेपाली विद्यार्थीहरूको क्षमता र प्रतिबद्धता देखाएको छ।
