इनरुवा । भोक्राहा नरसिंह गाउँपालिकाले स्मार्ट प्रविधिसहितका आधुनिक स्वास्थ्य उपकरण सामग्रीहरू स्वास्थ्य शाखालाई हस्तान्तरण गरेको छ।
स्वास्थ्य शाखाका प्रमुख हिरालाल शाहका अनुसार गाउँपालिका अध्यक्षको पहलमा स्वास्थ्य मन्त्रालयबाट ल्याइएका उपकरणहरूमा ग्रामीण भिडियो एक्सरे (ROUSG) मेसिन, सुविधा सम्पन्न आधुनिक डेलिभरी बेड, मेडिसिन ट्रोली, र दुस्पोज स्टेन लगायतका सामग्रीहरू समावेश छन्। हस्तान्तरण गरिएको सामग्रीको कुल लागत २४ लाख रुपैयाँ रहेको छ।
गाउँपालिका अध्यक्ष अजमल अख्तर आजादले स्वास्थ्य जीवनलाई जनताको प्राथमिकतामा राख्दै थप स्वास्थ्य सेवाहरू सहज रूपमा उपलब्ध गराउने प्रतिबद्धता जनाउँदै छिटै पालिकामा एम्बुलेन्स उपलब्ध गराई सेवा सञ्चालन गर्ने जानकारी दिनुभयो ।
कार्यक्रममा उपाध्यक्ष सुनिता कुमारी उराँउ, प्रमुख प्रशासकीय अधिकृत सुवर्ण घिमिरे, स्वास्थ्य शाखाका प्रमुख, वडा अध्यक्ष, र अन्य जनप्रतिनिधि तथा कर्मचारीहरूको उपस्थिति थियो।
