सुनसरी सदरमुकाम इनरुवामा रहेको दिगो कृषि सहकारी संस्था लिमिटेड इनरुवा ९ बवियाको कार्यालय उद्धघाटन कार्यक्रम गरिएको छ । सहकारीको काम र कार्यक्रमलाई सहज गर्नका लागि कार्यालय उद्धघाटन गरिएको हो ।
बुधबार कार्यक्रमका प्रमुख अथिती एंव इनरुवा ९ नम्बर वडाध्यक्ष बसिरमुद्धिन मंसुरीले उद्धघाटन गर्दै सहकारीले समुदायलाई जोड्ने भएकाले वडा सरकारले समेत सहकारीसँग समन्वय गरेर सहयोग गर्ने बताउनुभयो ।
उहाँले आफ्नो वडामा रहेको २ वटा कृषि सहकारी सहित ५ वटा सहकारी रहेकोमा सबैलाई समन्वय गरेर लाने समेत बताउनुभयो । कार्यक्रममा गोरखापत्र दैनिकका पत्रकार जयकृष्ण यादवले सहकारीहरुको कार्यक्रमवाट समुदायलाई प्रत्यक्ष लाभ पुग्ने भएकाले इमान्दारीतापुर्वक सहकारीलाई अगाडी बढाउनुपर्नेमा जोड दिनुभयो ।
यादवले सानासाना पुँजीलाई एकीकृत गर्ने र बचतसँगै ऋण समेत प्रवाह गर्ने भएकाले यसमा समन्वय, सहकार्य र इमान्दारीता आवश्यक रहेको बताउनुभयो । यादवले आफुसँग बचत भएको पैसा सहकारीमा बचत गर्न र आवश्यक परेको बेला ऋणको रुपमा लिन समेत समुदायलाई आग्रह गर्नुभयो ।
त्यस्तै वडा सदस्य मनोज कुमार यादवले वडा सरकारले सहकारीहरुको लागि आफुहरुले सक्दो योजना र कार्यक्रम ल्याएर सहयोग गर्ने बताउनुभयो । यादवले सहकारीहरु आफ्नो नीति र विधान अनुसार काम गर्न सकेको खण्डमा सफल्ता मिल्ने बताउनुभयो ।
अर्का वडा सदस्य देवकी नेपालले आफुहरु जनताबाट निर्वाचित सदस्य भएकाले सहकारीहरुलाई वडामा गरेको योगदान र जनमौत्री कामको आधारमा उतकृष्टलाई अगामी वर्षदेखी सम्मान गर्ने कार्यक्रम समेत ल्याउने बताउनुभयो ।
त्यस्तै वडा सदस्य रामसुन्दर मेहताले छुट्टाछुट्टै रहेका विचार र समुहलाई एकीकृत गर्ने सहकारी संस्था नै उत्तम भएकाले यसमा लाग्नका लागि आग्रह गनुभयो ।
कार्यक्रममा वडा सदस्य कुस्मी खत्वे, आपंगता भएका व्यक्ति खालिद खाँ, संस्थाका उपाध्यक्ष महबुद आलम, सदस्य अगुंरी खातुन, रजेन्द्र खत्वे, बाबुजी खत्वे, सत्यनारायण खत्वे लगायतको उपस्थिती रहेको संस्थाका अध्यक्ष गंगाराम खत्वेले जानकारी दिनुभयो ।
संस्थाका उपाध्यक्ष महबुद आलमको अध्यक्षतामा उद्घाटन कार्यक्रम सम्पन्न भएको थियो ।
