जयकृष्ण यादव । इनरुवा
इनरुवा, भदौ ११ गते । संघीय सरकारका सञ्चार तथा सूचना प्रविधि मन्त्री ज्ञानेन्द्र बहादुर कार्कीले नेपाल भारत सम्बन्ध २००७ साल यता प्रगाढ रहेको बताउनुभएको छ । सुनसरीको बराहक्षेत्र नगरपालिका ६ चक्रघट्टीमा महेन्द्र माध्यमिक विद्यालयको नेपाल भारत मैत्री भवन उद्घाटन कार्यक्रमलाई सम्बोधन गर्नुहुदै मन्त्री कार्कीले असल छिमेकी मित्र राष्टको हिसावले नेपाललाई सहयोग गर्दै आएकाले दुई देश बीचमा सम्बन्ध प्रगाढ रहेको बताउनुभयो ।
नेपालका लागि भारीय राजदुत श्रीवास्तवलाई आफ्नो क्षेत्रमा आएकोमा स्वागत गर्नुहुदै दुई देशको बीचको सम्बन्धमा थप उचाई ल्याउनुपर्नेमा जोड दिनुभयो । वहाँले भारत सरकारले शिक्षा, स्वास्थ्य, सडक, पर्यटन, भौतिक पूर्वाधार र मानविय स्रोतमा समेत सहयोग गर्दै आएको बताउनुभयो ।
वहाँले भारतीय पर्यटकलाई भित्रियाउने सम्भावना उच्च रहेकाले बराहक्षेत्र , रामधुनी, पिण्डेश्वर , दन्तकालि सहितको क्षेत्रको प्रचारप्रसार गर्न जरुरी रहेको बताउनुभयो । वहाँले दुवै देशलाई जोड्नका लागि श्रीवास्तवले यस क्षेत्रमा पाईला टेक्नुभएको विश्वास व्यक्त गर्नुभयो ।
वहाँले दुवै देशको सहकार्यमा विकास गर्नुपर्ने र भारतबाट आर्थिक लाभ लिनका लागि यसप्रकारको कार्यक्रम सार्थक भएको बताउनुभयो ।
वहाँले नेपाललाई भारत सरकारले प्रत्येक वर्ष १० अर्व रुपियाँ बराबरको आर्थिक सहायता उपलब्ध गराएको स्मरण गराउनुहुदै पच्छिलो एक दशकमा ६० अर्व रुपियाँ बराबरको विकास र आर्थिक सहायता उपलब्ध गराएको बताउनुभयो । वहाँले नेपालको विकासका लागि भारत सरकारले शिक्षामा विद्यालय भवन, स्कूल बस , स्वास्थ्य क्षेत्रमा अस्पताल निर्माण र एम्बुलेन्स सहितका धेरै सहयोग प्रदान गरेको बताउनुभयो ।
विगतको अवस्था स्मरण गराउनुहुदै मन्त्री कार्कीले पच्छिलो एक दशकमा भौतिक पूर्वाधारदेखी सडक, सिचाई, पुल, रेगमार्गसम्ममा सहयोग प्राप्त भएको बताउनुभयो । वहाँले नेपालको विकासमा सहयोग र सदभाव राख्ने काम गरेकाले असल छिमेकीका रुपमा भारतलाई लिएको बताउनुभयो । वहाँले भारत सरकारले प्रत्येक वर्ष आफ्नो बजेटमा प्राथमिकता साथ राखेर सहयोग गर्दै आएको बताउनुभयो ।
नेपालको व्यवपार घाटालाई कम गर्नका लागि जलस्रोतको विकास गर्न जरुरी रहेको बताउनुभयो । वहाँले यसको उदाहरणको रुपमा ३६५ मेगा वाड विद्युत भारतलाई विक्रि गरेको रहेको बताउनुभयो ।
वहाँले नेपाल भारत सम्बन्धलाई थप प्रगाढ बनाउनका लागि धार्मिक पर्यटनलाई जोड्न आवश्यक रहेको बताउनुभयो । वहाँले जैविक विविधालाई समय सापेक्ष बनाई कृषिमा आधुनिकिरण, यान्त्रिकिकरण र व्यवसायिकरण गर्नुपर्ने दिसामा सरकार अगाडि बढेको बताउनुभयो ।
नेपाल भारत बीचको विगतदेखीको सम्बन्ध थप प्रगाढ बनाउनका लागि शिक्षा, सडक, रेलमार्ग, संचार, कृषि, विधुत र स्वास्थ्य क्षेत्रमा दिदै आएको सहयोगलाई निरन्तरता दिन आग्रह गर्नुभयो । सभ्यता, संस्कार र संस्कृति समेत नेपाल र भारतको बीचमा एउटै रहेकाले यसले पनि दुई देशको सम्बन्धलाई थप प्रगाढ बनाएको बताउनुभयो ।
नेपाल भारत मैत्री भवनको उद्घाटन समारोहमा भारतीय राजदुतावास नविन श्रीवास्तव र मन्त्री ज्ञानेन्द्र बाहदुर कार्कीले नेपाल भारत मैत्रीपूर्ण सम्बन्धलाई थप उचाईमा लाने बताउनुभयो । यहाँ दुई करोड २१ लाख रुपियाँ लागतमा १६ कोठा भवनको उद्घघाटन कार्यक्रम सम्पन्न भएको महेन्द्र माध्यमिक विद्यालयले जनाएको छ ।
कार्कीले समृद्ध नेपाल र विकासका लागि असल छिमेकीको रूपमा भारत सरकार रहेकोे बताउनुभयो । मन्त्री कार्कीले राजदुत नवीन श्रीवास्तवलाई मन्त्रीको हैसियतले नेपाल सरकारको तर्फबाट र आफ्नो सुनसरी क्षेत्र नम्बर ४ को तर्फबाट हार्दिक धन्यवाद ज्ञापन गर्नुभएको थियो ।
उद्घाटन समारोह कार्यक्रम जिल्ला समन्वय समिति सुनसरीका प्रमुख राजन मेहताको अध्यक्षतामा सम्पन्न भएको थियो । मेहताले उद्घाटन कार्यक्रमलाई सम्बोधन गर्नुहुदै नेपाल भारत मैत्रीपुर्ण भवनको उद्घाटन मन्त्री र राजदुतको बीचमा गरेको हेर्न पाउदाँ खुसीको अनुभुती भएको बताउनुभयो ।
