नेपाली काङग्रेका नेता बिजयकुमार गच्छदारले काङग्रेस कसैको अगाडि नझुक्ने पार्टी भएको बताउनुभएको छ ।
नेपाली काङग्रेस सुनसरीले शुक्रबार देखि सुरु गरेको जनतासंग काङग्रेस अभियान कार्यक्रमलाई सम्बोधन गर्नुहुदै नेता गच्छदारले सो कुरा बताउनुभएको हो । उहाँले काङग्रेस कुनै पनि तानासाही, राजा, र काम्युनिष्टको अगाडि कहिले नझुकेकाले आउने दिनमा समेत कसैसंग नझुक्ने बताउनुभयो ।
काङग्रेको एउटा बिचार, सिद्धान्त, शिक्षा भएकाले काङग्रेस कसैको अगाडि कहिले नभुकेको बताउनुहुदै आउने दिनमा समेत नझुक्ने गरि अगाडि बढनका लागि नेता तथा कार्यकर्तालाई आग्रह गर्नुभयो ।
काङग्रेसको बिचार र सिद्धान्तलाई अगाडि लिएर गाउँ गाउँमा जानका लागि समेत नेता गच्छदारले सबैलाई आग्रह गर्नुभयो । आउने प्रदेशसभा तथा प्रतिनीधिसभाको निर्वाचनमा सुनसरीको सबै क्षेत्रमा काङग्रेसका उमेदवारलाई बिजायी गाउने गरि पार्टीको बिचार र सिद्धान्तलाई लिएर गाउँ गाउँमा नेता तथा कार्यकर्तालाई पस्नका लागि आह्वान गर्नुभयो ।
कार्यक्रममा पार्टीका केन्द्रिय सदस्य अमृत अर्यालले पार्टी भित्र रहेका अशन्तुष्टिलाई बिर्सेर आउने निर्वाचनमा सबै क्षेत्रमा काङग्रेसलाई बिजयी बनाउने गरि आगाडि बढनका लागि आग्रह गर्नुभयो ।
सोही कार्यक्रममा पार्टीका केन्द्रिय सदस्य तथा एक नम्वर प्रदेशका संसदीयदलका नेता राजिव कोइरालाले पार्टी महाधिवेसनमा पराजय भएका र बिजयी भएका बीचमा केही मनमुटाब भएकाले त्यसलाई समाधान गर्नका लागि सबै लाग्नुपर्नेमा जोड दिनुभयो ।
कहिले पनि स्थानीयतहको निर्वाचनमा पराजय नभोगेको स्थानीयतहको निर्वाचनमा काङग्रेस भित्रको आन्तरिक द्धन्दका कारणले पराजयको समाना गर्नुपरेको उल्लेख गर्नुभयो ।
उहाँले पार्टी भित्रका केही नेता तथा कार्यकर्तालाई कारवाही गरेको सिफारीलाई आम माफि दिएर अगाडि बढनुपर्ने बेला आएको बताउनुभयो ।
कार्यक्रममा संघीय सांसद सिताराम मेहता, प्रदेश सांसद ज्योति सुब्बा, प्रदेश एकका महामन्त्री उमेश थापा, जिल्ला उपसभापति पंकज महतो, जिल्ला सचिव बिरेन्द्रकुमार साह, महिला संघ सुनसरीका सभापति बिजया कटुवाल, बिभिन्नतहका नेता तथा कार्यकर्ताहरुको सहभागीता रहेको थियो ।–––
