विराटनगर । सुनसरी प्रहरीले एकैदिन ६१ जना फरार प्रतिवादीलाई पक्राउ गरेको छ।
आइतबार जिल्ला प्रहरी कार्यालय सुनसरीबाट खटिएको सादा पोशाकका प्रहरी टोलीले विभिन्न मुद्दामा अदालतले दोषी ठहर गरेका तर लामो समयदेखि फरार रहेका प्रतिवादीलाई विभिन्न स्थानबाट पक्राउ गरेको हो।
जिल्ला प्रहरी कार्यालय सुनसरीका प्रहरी उपरीक्षक सुमन कुमार तिम्सिनाका अनुसार फरार प्रतिवादीको खोजी र पक्राउका लागि सादा पोशाकमा परिचालित प्रहरी टोलीले विशेष सूचनाका आधारमा सफल कारबाही गरेको बताए। पक्राउ परेका प्रतिवादीलाई फैसला कार्यान्वयनका लागि जिल्ला अदालतमा उपस्थित गराउने तयारी भइरहेको छ।
सुनसरी प्रहरीले चालू आर्थिक वर्षमा कोशी प्रदेशमा सबैभन्दा बढी फरार प्रतिवादी पक्राउ गर्ने उपलब्धि हासिल गरेको छ।
