इनरुवा, असार ८ गते । भोक्राहा नरसिंह गाउँपालिकाले आगामी आर्थिक वर्ष २०८२/०८३ का लागि ६० करोड ३६ लाख ५० हजार रुपैयाँको बजेट सार्वजनिक गरेको छ। आइतबार गाउँपालिकाको सभा हलमा सम्पन्न १८औं गाउँ सभा अधिवेशनमार्फत बजेट तथा नीति कार्यक्रम सार्वजनिक गरिएको हो।
अधिवेशनमा गाउँपालिका अध्यक्ष अजमल अख्तर अजादले नीति तथा कार्यक्रम प्रस्तुत गर्दै शिक्षा, स्वास्थ्य, कृषि, भौतिक पूर्वाधार तथा सामाजिक समावेशीकरणलाई प्राथमिकतामा राखिएको जानकारी दिए।
उनले कृषिमा आधारित किसानलाई सहयोग गर्न कृषि मोटर, बोडिङ्ग सुविधा, निःशुल्क स्वास्थ्य बीमा, सडक तथा बाटो कालोपत्र र मर्मत, महिलाको उद्यमशीलता विकास, जेष्ठ नागरिकलाई प्राथमिकता, पोलबत्ती जडान लगायत कार्यक्रमलाई निरन्तरता दिने बताए।
कार्यक्रममा नेपाली कांग्रेस गाउँ इकाइ सभापति युवराज दाहाल, उपाध्यक्ष सुनिता उराँव, प्रमुख प्रशासकीय अधिकृत विनोद अधिकारी, वडा नं. १ का अध्यक्ष लक्ष्म मेहता, वडा नं. २ का अध्यक्ष आलम अन्सारी, वडा नं. ३ का अध्यक्ष धिरेन्द्र यादव, वडा नं. ४ का अध्यक्ष हारुण अन्सारी, वडा नं. ५ का अध्यक्ष हबिब मन्सुरी, वडा नं. ६ का अध्यक्ष सेराजुदिन मन्सुरी, वडा नं. ७ का अध्यक्ष बोवालाल यादव, वडा नं. ८ का अध्यक्ष उष्मान मिया, वडा सदस्यहरू, कर्मचारी तथा पत्रकारहरूको उपस्थिति रहेको थियो।
गाउँपालिकाले प्रस्तुत बजेटमार्फत समृद्धि र सेवा प्रवाहमा सुधार ल्याउने लक्ष्य लिएको जनाएको छ।
