इनरुवा । भाेक्राहा नर्सिंह गाउँपालिका-४, फुलचाेकमा स्थानीयले सशस्त्र प्रहरीद्वारा भारतबाट ल्याइएको ब्रोकाउलीसहितको पिकअप भ्यान नियन्त्रणमा लिएर भन्सार बुझाएपछि विरोधस्वरूप चक्काजाम गरेका छन्।
सशस्त्र प्रहरी बल नम्बर ४ गण, सुनसरीका अनुसार भारतबाट आयात गरिएका तरकारीहरूले नेपाली किसानहरूको व्यापारमा असर पुर्याइरहेको छ। नेपालमा उत्पादित तरकारीको संरक्षण गर्न ब्रोकाउली जस्ता आयातित तरकारीमा रोक लगाइएको छ।
सशस्त्र प्रहरीका अनुसार बरामद ब्रोकाउली नेपाली उत्पादन नभएको प्रमाणित भएपछि गाडी र तरकारी भन्सार कार्यालयमा बुझाइएको हो।
स्थानीयले आफ्ना मागको सुनुवाइ नभएसम्म आन्दोलन जारी राख्ने चेतावनी दिएका छन्। घटना समाधानका लागि प्रहरी र स्थानीय प्रतिनिधिबीच छलफल भइरहेको भाेक्राहा नरसिंह गाउँपालिकाका अध्यक्षले जानकारी दिनुभएको छ।
