इनरुवा । सुनसरीको भोक्राहा नरसिंहमा जारी उपाध्यक्ष प्रथम महिला खो खो प्रतियोगिताको समूह ऐ बाट खेल जित्दै सुनसरी र समूह बी बाट खेल जित्दैै त्रिभुवन आर्मी क्लव सेमिफाईनलमा प्रवेश गरेको छ । बुधबार भएको क्वाटर फाईनल खेलमा धनकुटालाई ५ को विरुद्ध १६ अंकले पराजित गर्दै प्रथम खो खो प्रतियोगिताको समूह ऐ बाट सुनसरीले जित निकाल्दै सेमिफाईनलमा प्रवेश गरेको छ । त्यसैगरी सर्लाहीलाई ६ को विरुद्ध २६ अकंले पराजित गर्दै त्रिभुवन आर्मी क्लव सेमिफाईनलमा प्रवेश गरेको छ । खेलको उद्घाटन भोक्राहा नरसिंह गाउँपालिकाका अध्यक्ष अजमल अख्तर आजादले गर्नुभएको थियो । कार्यक्रममा उपाध्यक्ष सुनीतकुमारी उराँव , वडा अध्यक्ष बौवालाल यादव, पत्रकार जयकृष्ण यादव सहितले एतिहासिक प्रथम महिला खो खो प्रतियोगिताको औचित्यका बारेमा बोल्नुभएको थियो । खेलमा बारा, धनकुटा, सुनसरी, मोरगं, सर्लाही र आर्मी सहित सात टिमले सहभागिता जनाएको छ ।
