उम्मेदबारहरु आफ्ना मतदाताको घरआगनमा

सुनसरीको कोशी गाउँपालिकामा नेपाली काग्रेंसका तर्फबाट उम्मेदबारहरुले आफ्ना मतदाताको घरआगमनमा समस्या बुझदै घरदैलो जारी राखेका छन् । आफ्नो पहिलो कार्यकालमा गरेको राम्रा कामहरु र बाकी रहेका कामहरु सफल र सार्थक पार्नका लागि नेपाली काग्रेसका उम्मेदबारहरुलाई मतदानका लागि अपिल र आग्रह गर्दै कोशीमा नेपाली काग्रेंसले घरदैलो जारी राखेको हो । घरदैलोका क्रममा मतदाताहरुले साकारात्मक आश्वासन दिएका छन् । पार्टीका तर्फबाट अध्यक्षका उम्मेदबार ऐयुव अंसारी र उपाध्यक्षका उम्मेदबार अनिता यादव तथा वडा अध्यक्ष र सदस्यहरुको साथमा कोशीको १ नम्बर वडा लौकहीमा नेपाली काग्रेंसको घरदैलो जारी रहेको पार्टीले जनाएको छ । घरदैलोमा धेरै मतदाताको साकारात्मक प्रतिकृया र विकास प्रति प्रभावित भएर आफूहरुले फेरी काग्रेंसमा भोट हाल्ने आश्वासन दिएको घरदैलोमा सहभागी सदानन्द मण्डलले जानकारी दिनुभयो । उता पार्टीको तर्फबाट जारी रहेको प्रतिवद्धता जस्ताको तस्तै तल उल्लेख गरिएको छ । स्थानीय तह निर्वाचन २०७९ मा नेपाली काङ्ग्रेसको तर्फबाट कोसी गाउँपालीका अध्यक्ष पदको उम्मेदवार ऐयुब अन्सारीज्युको प्रतिबद्धताहरू ः
१. हाम्रो आधार ः गुणस्तरीय शिक्षा र शैक्षिक पूर्वाधार
– अभिभावक शिक्षा घरदैलो कार्यक्रम’ अभियानका रूपमा सञ्चालन गर्ने ।
– अति विपन्न, दलित तथा अल्पसख््यक परिवारका बालबालिकालाई निःशुल्क उच्च शिक्षाको व्यवस्था गर्ने ।
– विद्यालयमा शिशु कक्षा तथा कक्षा एकमा अध्यापन गर्ने शिक्षक–शिक्षिकालाई विशेष प्रोत्साहन भत्ता तथा प्राथमिक तहमा दिवा खाजाको व्यवस्था गर्ने ।
– हरेक कक्षामा बढीमा ४० जना विद्यार्थी राखेर अध्ययन अध्यापन गर्न–गराउन व्यवस्था मिलाउने ।
– १२ कक्षा उत्तीर्ण गरेका हरेक विद्यार्थीलाई सम्मान तथा थप अध्ययनका लागि प्रोत्साहन गर्न विशेष सार्वजनिक कार्यक्रम आयोजना गर्ने ।
– सामुदायिक विद्यालय तथा मदरसामा अतिरिक्त क्रियाकलाप सञ्चालन तथा सहजीकरण गर्न एक जना विशेष शिक्षकको व्यवस्था गर्ने ।
– सामुदायिक विद्यालयहरुको नियमित अनुगमन गर्ने ।
– मावि तथा उच्च शिक्षालयका पूर्व विद्यार्थीहरूको समिति बनाउन सहजीकरण गरी त्यही समितिमार्फत् हरेक वर्ष कम्तीमा १० जना गरिव तथा सीमान्तकृत वर्गका बालबालिकालाई विशेष छात्रवृत्ति उपलब्ध गराउने।
– सामुदायिक विद्यालयमा पढ्ने जेहेन्दार विद्यार्थीहरुलाई प्रोत्साहन दिन आर्थिक छात्रवृतिको कोष खडा गर्ने ।
– उच्च शिक्षा अध्ययनमा उत्कृष्ट अंक ल्याएर उत्तिर्ण हुने छात्रालाई प्रत्येक वर्ष साइकल उपहार दिने ।
– कोशी लाई शिक्षाको हब बनाई कालेज स्थापना गर्न पहल गर्ने
– दलित तथा अन्य समुदायका विद्यार्थीहरु लाई उच्च शिक्षा हासिल गर्न आर्थिक सहयोग गर्ने
– सामुदायिक बिधालय बाट पल्स टु मा सबै भन्दा उत्कृष्ट अंक ल्याई उत्तिर्ण हुने एकजना बिद्यार्थी लाई नगद ५१,०००– (एकाउन्न हजार) सहित पुरस्कृत गर्ने
– सबै विद्यालय तथा मदरसाहरुमा कक्षागत र विषयगत शिक्षक व्यवस्था गर्ने ।
– प्रत्येक वडाबाट कम्तीमा एक जना प्रमाणपत्र तह उत्तीर्ण गरेका युवा छनोट गरी स्नातक तहको निःशुल्क अध्ययन–अध्यापनको व्यवस्था मिलाउने ।
– विद्यालयहरूमा पुस्तकालय, इन्टरनेट र प्रयोगशालाको प्रबन्ध गर्ने ।
– प्रत्येक वर्ष गाउँ खेलकुद सप्ताह आयोजना गर्ने ।
– बालबालिकालाई शैक्षिक भ्रमणका लागि प्रोत्साहन र सहयोग गर्ने ।
– प्रत्येक विद्यालयमा बाल क्लब गठन गरी गाउँक बाल संरक्षण समितिमार्फत् बाल सशक्तीकरणका कार्यक्रममा सहयोग गर्ने ।
– कोशी क्षेत्रमा सन्चालनमा रहेका सामुदायिक विधालय तथा मदरसाहरुको अवस्था र आवश्यकता अनुसार भौतिक पुर्वाधार स्तरउन्नती गर्ने ।
– संचालनमा रहेको प्राथमिक (कक्षा–५) विद्यालयलाई (कक्षा ८) सम्म पुर्याउने ।
– प्रत्येक वर्ष वैशाखमा गाउँस्तरीय शैक्षिक सामग्री प्रदर्शनी आयोजना गर्ने ।
– प्रत्येक वर्ष विद्यालयस्तरीय नाटक प्रतियोगिता आयोजना गर्ने ।
– विद्यालय व्यवस्थापन समिति, विद्यालय संचालक समिति पार्दर्शी तथा जवाफदेही बनाई अभिभावकहरु सँग ६–६ महिनामा अन्तरक्रिया कार्यक्रम राख्ने ।
– सीमान्तकृत सदा, सरदार, राम, खत्बे, मलाहा जातिका युवालाई जति पढ्न चाहे वा सीप सिक्न चाहे त्यसको निःशुल्क व्यवस्था मिलाउने ।
२. सुरक्षित कोशी ः निरोगी कोशीबासी
– वडा स्वास्थ चौकी लाई थप व्यवस्थित बनाउदै विशेषज्ञ डाक्टरहरुको सेवा उपलब्ध गराइ निशुल्क औषधि उपलब्ध गराइने ।
– १५ (पंन्ध्र) बेडको सुविधा सम्पन्न तथा गुणस्तरीय अस्पातल निर्माण गर्ने ।
– गरिब विपन्न वर्गलाई निशुल्क र अन्यलाई न्यून शुल्कमा एम्बुलेन्स सेवा संचालनमा ल्याउने ।
– गम्भीर बिरामी लागेका गाउँबासिहरुको तथ्यांक राख्ने र उनीहरुको उपचारको लागि सहजीकरण गर्ने ।
– गरिब विपन्न वर्गलाई निशुल्क र अन्यलाई न्यून शुल्कमा शव वाहन सेवा संचालनमा ल्याउने ।
– ३–३ महिनामा निशुल्क स्वास्थ शिविर संचालन गर्ने । तथा टोल या वस्तीहरुमा मासिक रुपमा निशुल्क घुम्ती स्वास्थ शिविर संचालनमा ल्याउने ।
– अघिल्लो कार्यकालमा स्थापना गरिएका प्रशुतीगृह (बर्थिङ सेन्टर) लाई स्तरउन्नती गर्दै बाँकी वडाहरुमा स्थापना गर्ने ।
– प्रशुतीगृह (बर्थिङ सेन्टर)मा खटिने स्वास्थ्यकर्मिहरुको क्षमता अभिवृद्धि गर्दै सेवा–सुविधा थप गर्ने ।
– प्रशुतीगृहमा सेवा लिन आउने महिलाहरुलाई सुरक्षित, व्यवस्थित तथा गुणस्तरिय सेवा प्रदान गर्ने ।
– प्रशुतीगृहमा सेवा लिन आउने सेवाग्राहीहरुलाई दिदै आएको प्रोहत्साहन भत्ता लाई निरन्तरता दिने ।
– गर्भवती दलित महिलालाई दुई पटकसम्म पाँच हजार रुपियाँका दरले सुत्केरी भत्ता दिने ।
– ७० वर्ष नाघेका जेष्ठ नागरिकहरुको निःशुल्क स्वास्थ्य परिक्षण घर घरमा गरिने ।
– रोगबाट बच्न तथा रोगलाई नियन्त्रण गर्न श्रब्य दृश्य सहितको सुचनामुलक डकुमेन्ट्री प्रदर्शन गराउने ।
– गरिब विपन्न वर्गका वडाबासिहरुको निशुल्क स्वास्थ विमा गराइदिने ।
– वडामा निशुल्क व्यायामशालाको स्थापना गराउने ।
– जङ्गली जनावरको आक्रमणबाट घाइतेको निःशुल्क उपचारको ग्यारेन्टी गर्ने ।
– लामखुट्टे नियन्त्रणका लागी आवश्यक काम गर्ने ।
– व्यावसायिक रुपमा पालिएका घरपालुवा जनावरहरुको निशुल्क स्वास्थ विमा गरिने।
– भुसिया कुकुरहरुको बन्ध्याकरण गर्ने ।
३. कृषिमा लगानी ः खेत खेतमा सिचाइको पानी
– कृषि योग्य खाली जग्गाहरु भाडामा लीई कृषिजन्य गतिविधी गरिने गराइने ।
– कृषिजन्य गतिविधी गर्न बिउ उपलब्ध गराई कृषि उत्पादन तथा रोजगारी सृजना गरिने ।
– उत्पादित तरकारीका लागि कोल्ड स्टोर निर्माण गरिने ।
– खेतीयोग्य माटोको निशुल्क परिक्षण गराउने ।
– कौसी तथा करेसाबारी सम्बन्धी तालीम दिने र निशुल्क बीज उपलब्ध गर्ने ।
– प्रत्येक वडामा ’कृषि सूचना तथा स्रोत केन्द्र’ स्थापना गर्ने ।
– प्राङ्गारिक मलको औद्योगिक उत्पादनका लागि सहकारी तथा निजी क्षेत्रलाई अनुसन्धान, प्रविधि तथा पुँजीगत लगानीमा सहयोग गर्ने ।
– जमनापारीलगायत उन्नत जातका बाखापालन स्रोतकेन्द्र स्थापना गरी सुलभ दरमा पाठापाठी उपलब्ध गराउने ।
– कृषि बजार बाह्रमास सञ्चालनयोग्य बनाउने ।
– लौकहीमा बाँसबाट निर्मित सामग्री उत्पादन उद्योग सञ्चालन गर्ने ।
– कृषि, पशुपालन तथा पानीमा आधारित उद्योग स्थापनाका लागि लगानीकर्तामैत्री नीति लागू गर्ने ।
– गाउँमा आवश्यक दक्ष कृषक जनशक्ति उत्पादन तथा उत्थानका लागि विशेष लगानी गर्ने ।
– प्रत्येक वर्ष कृषि तथा औद्योगिक प्रदर्शनी आयोजना गर्ने ।
– प्रत्येक वर्ष गाई सम्मेलन आयोजना गर्ने । सांस्कृतिक मेला, उत्सव आयोजनाका लागि आर्थिक तथा प्राविधिक सहयोग गर्ने ।
– जुधगञ्जमा नरिवल खेतीको स्रोत केन्द्र बनाउने र कटानपीडित बासिन्दालाई नरिवलको बिरुवा निःशुल्क उपलब्ध गराउने ।
– काँक्रा, खरबुजा, हरिपुरमा परबल तथा तरकारी बाली अनुसन्धान केन्द्र स्थापना गर्ने । तरकारी खेतीको प्रादेशिक हब बनाउने ।
– किसानले फलाएको नरिवल खरिद गरी त्यसको व्यावसायिक उपयोग हुने प्रबन्ध मिलाउने।
– हरिपुरमा पशु हाट–बजार पुनः सञ्चालन गर्ने।
– प्रत्येक वर्ष ’भैंसी सुन्दरी’ प्रतियोगिता आयोजना गर्ने ।
– उपाधि विजेता भैंसीपालक कृषकलाई उन्नत जातको भैंसी उपहार दिने।
– माछाका भुरा उत्पादन, अध्ययन तथा स्रोत केन्द्र निर्माण गर्ने।
– जलकपुर, काँटीलगायत उन्नत नजातका माछाका भुरा उत्पादन तथा खरिद गरी कोशीको पानीमा मिसाउने।
– साना किसान सहकारी संस्था खोल्न सहयोग गर्ने ।
– दलित भनिएका जाति र सीमान्तकृत परिवारलाई अनुदानमा उन्नत जातको बाख्रा उपलब्ध गराउने ।
– लौकही स्थित तरकारी बजार सञ्चालन गरी बाहिरका व्यापारीलाई आकर्षित गर्न विशेष योजना लागू गर्ने । प्रत्येक वर्ष गाउँस्तरीय चित्रकला प्रतियोगिता आयोजना गर्ने ।
– हरेक वर्ष कृषक अनुभव आदान–प्रदान भ्रमण व्यवस्था गर्ने ।
– सिँचाइ सुविधा नपुगेको क्षेत्रमा बाह्रेमास सिँचाइ सुविधा पुरÞ्याउने ।
– कुम्याहिमा किसान द्वारा सन्चालित कागती खेती बिस्तारका लागि थप सहयोग गरिने
– किसान छनौट प्रकृया बाट बिउ बिजनमा सब्सिडी दिने ।
– कृषी अध्यक्ष आधुनिकरण कार्यक्र अन्तर्गत कृषी बिजुली कोष स्थापना गरी महसुलमा सब्सिडीको व्यवस्था मिलाउने ।
– एक घर दुई रुख विशेष योजना अन्तर्गत चाँडो हुकने जातका विरुवा निःशुल्क उपलब्ध गराउने ।
– घरेलु तथा साना उद्योगलाई प्रोत्साहन गर्ने ।
४. हाम्रो आधार ः पुर्वाधार बिकास
– गाउँपालिका तथा वडा कार्यालय आफ्नै भवन स्थापना गरिने ।
– हरेक वडामा आवश्यकता अनुसार सार्वजानिक शौचालय निर्माण गरिने ।
– गाउँपालिका क्षेत्रका सकृया एव सक्षम युवा वर्गलाई लक्षित गर्दै युवा बिकास केन्द्र स्थापना गर्ने ।
– कोशी गाउँपालिकाभित्रका सबै बाटोलाई चारचक्के सवारी–साधन सजिलै गुड्न सक्नेस्तरको बनाउने।
– गाउँपालिका प्रवेश गर्ने सबै मार्गमा स्वागत द्वार बनाउने।
– प्रश्चिम कुसाहा, जमुवा चोकबाट मलदैया बस्ती नजिक सिमानामा नयाँ नाका विकास गर्ने।
– बाढी पीडित क्षेत्रभित्रका जग्गा पाउन बाँकी सुकुम्बासीहरूलाई एक वर्षभित्र दुई , कठ्ठाका दरले जग्गा दिलाउने।
– सट्टा–भर्नाको समस्या समाधानका लागि दुई वर्षभित्र समाधान हुने कार्ययोजना बनाई कार्यान्वयनका लागि प्रदेश सरकारसँग लबिङ गर्ने।
– कोशी कटान क्षेत्रमा पर्यटक आकर्षित गर्न पौडी पोखरी तथा सशल्क बोटिङको व्यवस्था गर्ने।
– लौकही र भान्टाबारी बजारमा एटिएम स्विधासहितको बैंक स्थापना गर्ने।
– लौकही बजारलाई सहरी क्षेत्रको रूपमा विकास गर्ने।
– सदा, सरदार, राम, खत्बे, मलाहा लगायत समुदायका भूमिहीन नागरिकको तथ्याङ्क सङ्कलन गरी प्रत्येक
– वर्ष कम्ती १० परिवारलाई घर निर्माणका लागि सहयोग गर्ने।
– सबै वस्ती, वार्ड तथा टोलहरुमा सडक बत्ति र पक्कि बाटोको पहुँच पुर्याउने ।
– कोशी व्यारेज क्षेत्रमा कम्तीमा १० ठाउँमा पिकनिक स्पट तथा पर्यटकीय गन्तव्य विकास गर्ने। कोशी व्यारेजमा पानी कारखाना सञ्चालन गरी त्यसको व्यावसायिक विकास गर्न स्थानीय युवालाई जिम्मेबारी दिने।
– “सहरी वन जंगल” को अवधारणालाई आत्मसाथ गर्दै बाटो किनारमा वृक्षारोपण गर्दै जाने ।
– मौलिक भेषभुषा, भाषा र संस्कृतिलाइ जगेर्ना गर्ने र सो को अध्ययन तथा अवलोकन गर्न आउने बाह्य पर्यटकहरुको लागि होम स्टेको व्यवस्था मिलाउने ।
– प्रत्येक वडामा जेष्ठ नागरिक भेटघाट केन्द्र स्थापना गर्ने ।
– बजार तथा पर्यटकीय क्षेत्रमा सोलार बत्ती जडान गर्ने।
– मुख्य चोकमा बाटो सङ्केत पाटी तथा गाउँको नामपाटी राख्ने।
– गाउँस्तरीय झाँगड नाच तथा पञ्चे बाजा टोली निर्माण गरी त्यसको व्यावसायिकता विकास
– लौकहीमा सिटिइभिटीसँग समन्वय गरी प्राविधिक शिक्षालय स्थापना गर्ने।
– मलदैया टोललाई विशेष नमुना ग्रामीण बस्ती घोषणा गरी राष्ट्रियस्तरमा त्यसको पहिचान गराउने।
– भान्टाबारीमा ट्राफिक कार्यालय निर्माण गर्ने।
– हरिपुरमा प्रजातन्त्रका सेनानी स्मृति पार्क निर्माण गर्ने।
– विपन्न वर्गका परिवारलाई लक्षित गरी शौचालय निर्माण गर्न अनुदान दिने।
– महिला लक्षित नेतृत्व तथा सिप विकास केन्द्र स्थापना गर्ने।
– लौकहीमा टेबुलटेनिस, ब्याडमिन्टन, भलिबल, कुस्ती तथा कराँते खेलको कभर्ड हल बनाउने।
– स्वस्थ्य स्वयम्सेविका, सामाजिक परिचालक तथा ढिनीलाई कर्मचारीमा रूपान्तर गर्न विशेष पहल गर्ने । प्रत्येक विद्यालयमा छात्रामैत्री र अपाङ्गमैत्री शौचालय बनाउन सहजीकरण गरि अनुदान दिने।
– आश्रम, मठ–मन्दिर, इदगाह, सिरुवा मेलास्थल आदिको स्तरोन्नतिका लागि आर्थिक सहयोग गर्ने।
– दिनाभद्री थानलाई स्तरोन्नति गर्न हरेक वर्ष कम्तीमा दुई लाख रुपियाँ सहयोग गर्ने।
– गाउँमा कम्तीमा पाँच वटा एकीकृत नमुना बस्ती विकास गर्न विशेष योजना बनाई प्रदेश सरकारसँग लबिङ गर्ने ।
– त्यसमा रेल्बेलाइनको बस्ती स्थानान्तरण गर्ने । रेल्बेलाइनको दुवैतिर आकर्षक फूल फुल्ने जातका बिरुवा हुर्काई हरियाली पर्यटक पदमार्गका रूपमा विकास गर्ने ।
– शिवचोक तथा हरेक वडामा १० जना प्रहरीको उपस्थिति हुने गरी वडा सुरक्षा कार्यालय स्थापना गर्ने ।
– सडक, पुल, नाला, ढल, विद्यालय, सामुदायिक भवन आदि भौतिक पूर्वाधार निर्माण, बाढी नियन्त्रण, प्राकृतिक प्रकोप नियन्त्रण, सिँचाइ जस्ता विषयमा वडा तहबाट आएको सिफारिस अनुसार काम गर्ने ।
– उराँव जातीय पर्यटन सङ्ग्रहालय स्थापना र होमस्टे सञ्चालन गर्ने ।
– निर्माण हुन बाँकी रहेका मठ–मन्दिर, मस्जिद–मदरसा लगायत धार्मिक स्थलहरुको संरक्षण गर्नुका साथै पूर्ण रूपले निर्माण गर्ने ।
– गाउँपालिका क्षेत्र अन्तर्गत पर्ने पुरानो खेल मैदानहरुको स्तरउन्नती गरिने ।
– धार्मिकस्थलमा पूर्वाधार विकासका लागि कोष खडा गरी गाउँपालिकाले प्रत्येक वर्ष निश्चित रकम प्रदान गर्ने। भेटीको रकम सोही कोषमा जम्मा गर्ने।
– खोला नाला तर्न पक्कि पुलको निर्माण गर्ने ।
– बाल विकास केन्द्रलाई सुविधा सम्पन्न र प्रभावकारी बनाउने ।
५. सरसफाई तथा शुद्ध खानेपानी
– वडाको सबै सार्वजनिक स्थानहरु सफा राख्न दैनिक रुपमा काम गर्ने पारदर्शी प्रकृयाबाट कर्मचारी नियुक्त गर्ने ।
– हरेक टोल÷बस्तिहरुमा जनघनत्वको आधारमा सार्वजनिक धारा स्थापना गर्ने ।
– हरेक घरमा प्रयोग हुने खानेपानीको परिक्षण गराउने ।
– घरबाट प्रयोग भएर निस्किने पानी या बर्षाको पानी निकासको लागि ठोस काम गर्ने ।
– १ घर या १ पसल १ फोहोर कन्टेनर अनिवार्य गराउने ।
– गा.पा तथा वडा कार्यालयको प्रतिनिधि राखेर सरसफाई अनुगमन टोलि बनाउने ।
– सबैभन्दा सफा टोल या बस्तिलाइ पुरस्कृत गर्ने ।
६. प्राकृतिक सम्पदाको संरक्षण ः पर्यटनको सम्बर्द्धन
– कोशी क्षेत्रमा रहेका पर्यटन क्षेत्रहरुलाई संरक्षण गर्दै आन्तरिक तथा बाह्य पर्यटक बढी भन्दा बढी भित्र्याउन प्रचार प्रसार कार्य लाई तिव्रता दिने । थप पर्यटन क्षेत्र बिकास र विस्तार गर्न विशेष पहल गर्ने, आवश्यकता अनुसार प्रदेश संघ सरकारका साथै सम्बध विभिन्न सरकारी तथा गैर सरकारी संघ संस्थाहरु सँग सहकार्य र समन्वय गरी पर्यटन बिकासमा टेवा पुर्याउने ।
– कोशीटप्पुलाई पूर्वको प्रमुख पर्यटकीय गन्तव्य बनाउन आरक्ष क्षेत्रभित्र कम्तीमा १० वटा सिमसार क्षेत्र पहिचान र विकास गरी चराहरूलाई आरक्षभित्रै रोक्न विशेष योजना सञ्चालन गर्ने।
– दुई वर्षभित्र कम्तीमा १० वटा गैंडा कोशीटप्पमा ल्याउने योजना बनाई त्यसका लागि केन्द्र सरकारसँग लबिङ गर्ने ।
– पर्यटनलाई स्थानिय बासिन्दाको जीवनचर्या सँग जोड्ने कार्यक्रमा ल्याइने ।
– पर्यटनलाई संस्कृति र सम्पदा क्षेत्र सँग प्रत्यक्ष जोडेर सरकारी तह बाट प्रवर्द्धन गरिने ।
– होमस्टे सन्चालन गर्नका निम्ती स्थानिय बासिन्दालाई मौलिक खान पिन रहन सहन तथा अन्य विषेश्ता को बारेमा तालिमा दिई सन्चालन गर्न दिईने ।
– प्रत्येक वर्ष कोशी क्षेत्रमा महोत्सव, पूजा उत्सव, चरा, अर्ना, हाती, गैंडा तथा माछा महोत्सव आयोजना गर्ने ।
– पर्यटन प्रवर्धन गर्न प्रतेक वर्ष भैंसी तथा गाई सुन्दरी प्रतियोगिता आयोजना गर्ने ।
– प्रत्येक वर्ष हजयात्री बिदाइ समारोह आयोजना गर्ने । आर्थिक कारणले हज यात्रामा जान असमर्थ एक जोडीलाई हज यात्राका लागि सहयोग गर्ने।
– वडा समितिको सिफारिसमा हरेक वर्ष नेपालका तीर्थस्थल भ्रमणमा जाने प्रत्येक वडाको एउटा टोलीलाई यातायातमा सहुलियत उपलब्ध गराउने ।
– सिमावर्ती क्षेत्रका बजारलाई लक्षित गर्दै सुलभ उपभोक्ता बजारमा रूपान्तर गरी भारतीय ग्राहक आकर्षित गर्न विशेष योजना बनाई लागू गर्ने ।
– मध्यवर्ती क्षेत्रमा कोशीटप्पुका हात्ती, अर्ना, दुम्सी, चरालगायत जीव–जनावरबाट हुने क्षति नियन्त्रणका लागि जैविक–प्राकृतिक उपाय अवलम्वन गरी आरक्षका जनावरलाई आरक्षभित्रै रमाउने वातावरण बनाउन विशेष योजना सञ्चालन गर्ने ।
– कोशीटप् वन्यजन्तु आरक्ष क्षेत्रभित्र वृक्षरोपण गर्न चाहने कुनै व्यक्ति वा संस्थालाई निःशुल्क विरुवा उपलब्ध गराउने । त्यसका लागि स्थान तथा सुरक्षाको प्रबन्ध मिलाउने ।
– पर्या–पर्यटन विकास तथा जनजागरणका विशेष कार्यक्रम सञ्चालन गर्ने ।
– कोशी टप्पु क्षेत्रलाई साइकिलिङ क्षेत्रको रूपमा पहल प्रयास गर्ने ।
– कोशी ब्यारेज क्षेत्रलाई माछाको उद्द्गम क्षेत्रको रूपमा बिकास गर्ने ।
७. हाम्रो प्रतिबद्धता ः सुशासन, जवाफदेहिता र पारदर्शिता
– गाउँपालिका क्षेत्रमा आयोजना हुने सार्वजनिक कार्यक्रमको आय–व्यय विवरण कार्यक्रमको अन्त्यमा सार्वजनिक गर्र्ने ।
– गा.पा को सेवाहरु सहज र सरल रुपमा प्राप्त गराउन अनलाइन सेवा सुचारु गराउने ।
– गा.पा को सबैकामहरु अधावधिक गर्दै आफ्नो वेबसाइटमा राख्ने ।
– गा.पा को सेवाहरु सहज र सरल रुपमा प्राप्त गराउन अनलाइन सेवा सुचारु गराउने ।
– कार्यालयभित्र हुने अनिमियतामा निगरानी गर्न सिसि क्यामेरा राख्ने ।
– गाउँबासीहरु सँग छलफल गरि अनावश्यक कर÷शुल्क कम गराउने या हटाउने ।
– कार्यालयमा आउने सेवाग्राहीले यदि सम्पूर्ण प्रक्रिया पुर्याएको आवश्यक कागजात उपलब्ध गराए नागरिक वडापत्रले तोकेको या सो भन्दा समयभित्र सेवा उपलब्ध गराउने व्यवस्था मिलाउने ।
– कार्यालय समयभर सबै कर्मचारी तथा जनप्रतिनिधिहरु उपलब्ध हुने व्यवस्था मिलाउने ।
८. सबैलाई अवसर र सम्मान ः मानवताको उत्थान
– सपथ ग्रहण गरेको एक महिनाभित्र प्रत्येक वडामा ’स्थानीय आवश्यकता विशिष्टीकरण तथा सुझाव सङ्कलन कार्यशाला’ आयोजना गरी आगामी दिनमा गाउँपालिकाले त्यस वडामा गर्नुपर्ने कामहरूको प्राथमिकता सूची तयार गरी काम गर्ने।
– विकास निर्माणका काममा हुने कुनै पनि ढिलासुस्ती र लापरबाहीविरुद्ध खबरदारी गर्ने।
– आर्थिक तथा सामाजिक अपराध न्यूनीकरणका लागि निजी क्षेत्र तथा नागरिक समाजसँग सहकार्य गर्ने।
– सबै जेष्ठ नागरिकका हातमा समाज कल्याण मन्त्रालयले दिने परिचयपत्र र सुविधा उपलब्ध गराउने
– सासु–ससुरालाई सेवा गरेबापत प्रत्येक वडाको सिफारिसमा कम्तीमा १० जना बुहारीलाई प्रत्येक वर्ष सम्मान गर्ने ।
– युवा एकल महिलालाई रोजगारीका लागि पहिल, प्राथमिकता दिने । ४० वर्ष उमेर पुगेका एकल पुरुषलाई प्रोत्साहन स्वरूप भत्ता वितरण गरिने ।
– गाउँपालिका अध्यक्षको पाँच वर्षकै पारिश्रमिकबाट स्थानीय बैंकमा ’विशेष सहयोग अक्षय कोष’ स्थापना गरी गाउँका असहाय तथा विधवा महिलाको उत्थानको काममा खर्च गर्ने ।
– ’विशेष सहयोग अक्षय कोष’ निर्माण तथा सञ्चालनमा गाउँबासीले आफनो सहभागिता र सहयोग थप्न सक्ने गरी कार्य सञ्चालन निर्देशिका बनाउने।
– हरेक वर्ष एक जना उत्कृष्ट कृषक, कर्मचारी, शिक्षक, पत्रकार, कलाकार, प्राविधिक, अधिकारकर्मी, समाजसेवी, प्रहरी, व्यवसायी, चिकित्सक, स्वरोजगार तथा उत्कृष्ट गाउँबासी छनोट गरी पुरस्कृत तथा सम्मान गर्ने ।
– गाउँपालिकाले तिर्न तथा लिन बाँकी सरकारी बिगो–बक्यौता रकम चुक्ता गर्ने गराउने ।
– मेरो कोशीलाई म माया गर्छ र यसको उन्नतिका लागि म आफूले सकेको योगदान मिसाउँछु,’ भन्ने नाराको मर्मअनुरूप काम गर्न हरेक गाउँबासीलाई प्रोत्साहन गर्ने।
– सीमान्तकृत बस्तीका युवालाई वैदेसिक रोजगारीमा जाँदा लाग्ने खर्चमा सहयोग गर्ने।
– गाउँपालिका क्षेत्रबाट अखबार निकाल्न तथा रेडियो सञ्चालन गर्न सहजीकरण गर्ने।
– हरेक वर्ष प्रमाणपत्र तह उत्तीणर् गरेका दुई जना युवा छनोट गरी पत्रकारितासम्बन्धी विशेष तालिममा सहभागी गराउने।
– विज्ञ कानुन व्यवसायीहरूको सेवा लिई छिटो छरितो र प्रभावकारी न्याय सम्पादन गर्ने।
– भेटघाट केन्द्रमा आउने जेष्ठ नागरिकलाई चिया–खाजाको व्यवस्था गर्ने।
– आदर्श विवाह गर्ने जोडीलाई सार्वजनिक सम्मान गर्ने, रोजगारीमा प्राथमिकता दिने।
– महिला लक्षित कम्प्युटर तथा सिलाइबुनाइसम्बन्धी नियमित छ–छ महिने तालिम सञ्चालन गर्ने।
– जन्मदेखि पाँच वर्षसम्मका बालबालिकालाई पोषण भत्ता उपलब्ध गराउने ।
– प्रत्येक गाउँबासीलाई ’म पनि कोशीको बासिन्दा हूँ’ भन्ने अपनत्व र गौरवबोध गराउन विशेष कार्यक्रम निर्माण तथा परिचालन गर्ने ।
– सबै वडाका शिक्षित बेरोजगार युवाको तथ्याङ्क सङ्कलन गरी उनीहरूलाई कम्प्युटर, मोबाइल, रेडियो, टेलिभजन मर्मत, विद्युत् जडान, होटल मेनेजमेन्टलगायत व्यावसाीयक तालिम दिई स्वरोजगार बन्न प्रेरित तथा सहजीकरण गर्ने ।
– बेरोजगारलाई रोजगार दिन सङ्घ–संस्था तथा कलकारखाना खोल्न लगाउने र समन्वय गर्ने ।
– होली मिलन, इद मिलन, जितिया, रामनवमी, कृष्णाष्टमी, छठ, तीज, सिरुवा, देउसी–भैलो, पिङ निर्माण, मेला, कन्सर्ट, सांस्कृतिक उत्सव आदि अवसरमा आर्थिक तथा व्यानर सहयोगसहित उपस्थिति जनाउने ।
– घरायसी इन्धनको प्रमुख स्रोतको रूपमा दाउरा, गुइँठा प्रयोग गर्ने घरधरी सङ्ख्या प्रत्येक वर्ष कम्तीमा १० प्रतिशतले कम गर्दै वैकल्पिक उर्जा प्रयोग गर्नेको संख्या बढाउन अनुदान दिने ।
– पाँच वर्षभित्र आर्सेनिकयुक्त पानीका स्रोतमाथिको निर्भरता समाप्त गर्ने ।
– उमेर पुगेर विवाह गर्ने मरिक युवा–युवतीलाई रोजगारीमा अग्राधिकार दिने ।
– लौकही उद्योग वाणिज्य सङ्घसँग समन्वय गरी मुख्य बजारभन्दा बाहिरका उपभोक्तालाई आकर्षित गर्न र बजारमा अबेलासम्म टिकाइराख्न विशेष योजना बनाइ लागू गर्ने ।
– गाउँबाट प्रतिनिधित्व गरी राष्ट्रिय तथा अन्तराष्ट्रिय प्रतिस्पर्धामा उत्कृष्टता देखाएका खेलाडीको स्वास्थोपचार तथा जीवनवृत्तिका लागि विशेष प्रबन्ध गर्ने ।
– गाउँस्तरीय छोरी–बुहारी बचत तथा सहकारी विशेष योजना सञ्चालन गर्ने ।
– इतिहास, संस्कृति, सम्पदा आदिबारे सचेत तथा राष्ट्रिय एकतामा प्रतिबद्ध बनाउँदै, सद्भाव–सहिष्णुतायुक्त स्वस्थ जीवन बाँच्न युवा लक्षित प्रशिक्षण अभियान सुरू गर्ने ।
– युवालाई व्यसनबाट टाढा राल तना युवाशक्ति दुरूपयोग हुनबाट जोगाउन अनुसन्धान, लेखन, खेलकुद, सङ्गीत, कला जस्ता सिर्जनात्मक कामको अवसर बढाउने ।
– गाउँका गतिविधि सार्वजनिक गर्न स्थानीय सञ्चार माध्यम तथा सामाजिक सञ्जाल उपयोग गर्ने। कोशी खबर अनलाइन पोर्टल सञ्चालन गर्ने ।
– वडा नागरिक मञ्च, आमा समूह, महिला अधिकार सञ्जाल, बाल विकास संस्था, बाल क्लबको अनुगमन तथा सञ्चालनमा सहयोग गर्ने ।
– राजमार्गमा दुर्घटना कम गर्न विशेष योजना बनाई लागू गर्ने । मासिक सचेतना कार्यशाला सञ्चालन गर्ने । आवश्यक ठाउँमा सुरक्षा सङ्केत पाटी राख्ने ।
– आवश्यक जनशक्ति तथा उपकरणहरू व्यवस्था गरी भान्टाबारीमा भएको पश् क्वारेन्टाइन चेक पोस्टलाई प्रभावकारी रूपमा सञ्चालन गर्ने।
–प्रत्येक वर्ष ’कोशी आइडल’ गायन प्रतियोगिता आयोजना गर्ने।
– जलकुम्भीबाट उत्पादित बायोग्यास बिजुलीमा परिणत गर्न विशेष योजना निर्माण गरी कार्यान्वयनका लागि प्रदेश सरकारसँग पहल गर्ने।
– प्रत्येक शनिबार गाउँ स्वयम्सेवक परिचालन गरी हरेक घरबाट स्वेच्कि रकम सहयोग सङ्कलन गर्ने ।
– सङ्कलित रकम कोशी जेष्ठ नागरिक समाज गठन गरी सोही समाजमार्फत् दैवी÷प्राकृतिक प्रकोप उद्धारका काममा खर्च गर्न कोष स्थापना र परिचालन गर्ने।
– बर्षेनी हुने डुबान समस्यालाई स्थायी समाधानको लागि कार्यपालिका बैठकमा नियमित कुरा उठाउने र कार्यालयबाट हुने हर सम्भवका कामहरु गर्ने ।
– वैकल्पिक उर्जा प्रयोगलाई प्रोत्साहन गर्ने।
– प्लास्टिकका वस्तुहरुको प्रयोगलाई न्यूनीकरणको लागि काम गर्ने।
– आधुनिक पुस्तकालयको स्थापना गराउने।
– महिला उद्यमिहरुलाई प्रोत्साहन गर्न विभिन्न कार्यक्रम तथा योजनाहरु ल्याउने ।
गर्न चाहँदा र खोज्दा जे पनि सम्भव छ । हाम्रो गाउँको रूपान्तर पनि सम्भव छ ।
मात्र तपाई हाम्रो भावना मिल्नुपर्छ । हात जुटनुपर्छ ।
किनकि हामी गर्न सक्ने कुरा गछौं ।
कुरा अनुसार काम गछौं ।
जय नेपाल ! जय कोशी !