इनरुवा । सुनसरीको बर्जु गाउँपालिका–४ मा बाँसकाे झ्याङमा लुकाएर राखिएकाे २५ किलो गाँजा सशस्त्र प्रहरी बलले बरामद गरेकाे छ। सशस्त्र प्रहरी बल नम्बर ४ गण हेड क्वाटर सुनसरीकाे टोलीले गुप्त सूचनाकाे आधारमा सो गाँजा फेला पारेको हो ।
सशस्त्र प्रहरीका अनुसार, गाँजा बाँसकाे घना झ्याङमा राम्राे गरी लुकाएर राखिएकाे थियाे। फेला परेकाे गाँजा स्थानीय प्रहरीकाे जिम्मा लगाई आवश्यक अनुसन्धान अघि बढाइएकाे छ। यस घटनामा संलग्न व्यक्ति वा समूहकाे पहिचान गर्ने काम जारी रहेको बताइएकाे छ।
गाँजा उत्पादन, ओसारपसार र बिक्री वितरणमा कानुनी कारवाही हुने चेतावनी दिंदै प्रहरीले लागुऔषध नियन्त्रणमा कडाइ गर्ने अभियानलाई निरन्तरता दिने सशस्त्र प्रहरी उपरीक्षक समेनन्द बज्राचार्यले जनाएकाे छ।
