सुनसरी । प्रजातन्त्र दिवस २०८० को अवसरमा भोक्राहा नरसिंह गाउँपालिकाको प्राङ्गणमा विशेष दीप प्रज्वलन कार्यक्रम सम्पन्न भएको छ।
कार्यक्रममा गाउँपालिका अध्यक्ष अजमल अख्तर आजाद, उपाध्यक्ष सुनिता कुमारी उराउ, प्रमुख प्रशासकीय अधिकृत बिनोद कुमार अधिकारी, सूचना अधिकारी सन्देश तिम्सिनालगायत अन्य कर्मचारीहरूको उपस्थितिमा दीप प्रज्वलन गरिएको थियो।
गाउँपालिका अध्यक्ष अजमल अख्तर आजादले कार्यक्रमलाई सम्बोधन गर्दै प्रजातन्त्रको मूल्य, मान्यता र लोकतान्त्रिक अधिकारप्रति नागरिकलाई सचेत गराउने उद्देश्य रहेको बताए। उनले लोकतान्त्रिक मूल्य र सिद्धान्तको संरक्षण गर्न सबै नागरिक जिम्मेवार बन्नुपर्नेमा जोड दिएका थिए।
अध्यक्ष आजादले जनताको सहभागिता बिना समृद्धि सम्भव नभएको भन्दै, सुशासन र पारदर्शिताका लागि पालिका प्रतिबद्ध रहेको उल्लेख गरे। साथै, उनले प्रजातन्त्र प्राप्तिका लागि भएका संघर्ष र बलिदानहरूको स्मरण गर्दै, आगामी दिनमा लोकतान्त्रिक प्रक्रियालाई अझ सशक्त बनाउन सबैले भूमिका खेल्नुपर्ने धारणा व्यक्त गर्नु भयो ।
कार्यक्रम जिल्ला समन्वय समितिको कार्यालय इनरुवा, सुनसरीबाट प्राप्त पत्रानुसार राष्ट्रिय प्रजातन्त्र दिवस २०८१ को अवसरमा आयोजित गरिएको हो।
