सुनसरी सदरमुकाम इनरुवामा नेकपा एमाले र जनता समाजवादी पार्टी सहितको दुईदलीय गठवन्धनले आफ्नो आधिकारीक उम्मेदवारहरुलाई जिताउनका लागि अभियान थाल्ने निर्णय गरेको छ ।
नेकपा एमालेको क्षेत्र नम्बर क्षेत्री पार्टीको संयोजनमा भएको संयुक्त बैठकले दुई दलीय गठवन्धनका उम्मेदबारहरुलाई जिताउने गरि अभियान र घरदैलो गर्ने निर्णय गरेको छ । क्षेत्र नम्बर २ को निर्वाचन क्षेत्रस्तरीय संयुक्त बसेको बैठकले राष्ट्रिय हितलाई मध्यनजर गर्दै विकास र समृद्धिको यात्रालाई संस्थागत गर्न केन्द्रमा बनेको गठवन्धनलाई सघाउने गरी जिल्लाका प्रतिनिधिसभा र प्रदेशसभा सदस्यका उम्मेदवारहरुलाई बिजयी गराउन सबै एकजुट भएर लाग्ने निर्णय गरेको हो ।
त्यसैगरी बैठकले गठवन्धनको संयुक्त प्रतिवद्धता पत्र तयार गर्ने, दलहरुले आ–आफ्नो छुट्टाछुट्टै र संयुक्त प्रचारप्रसार समिति वडादेखी जिल्ला तहसम्मको निर्माण गर्ने, गठवन्धनका नेताहरु संयुक्त रुपमा वडा तहसम्म गई गठवन्धनको आवश्यकता र महत्व प्रकाश पार्दै प्रचार प्रसार तिव्र पार्ने निर्णय गरेको बैठकमा सहभागी जनता समाजवादी पार्टीका अध्यक्ष भगिरथ खत्वेले जानकारी दिनुभयो ।
दुई गठवन्धनका उम्मेदवारलाई विजयी गराउन सबैलाई प्रचार प्रसारमा लाग्न वातावरण सिर्जना गर्ने र त्यसका लागि प्रचार प्रसार तथा निर्वाचन परिचालन मूल समिति गठन, उप समिति, गाउँ तथा नगर र क्षेत्रिय प्रचार कमिटि बताउने भएको छ ।
बैठकमा नेकपा एमालेका उम्मेदबारहरु र पार्टीका उम्मेदबारहरु सहभागी थिए । एमालेका नेता खेमराज पोखरेल, पोष्ट कुमार नेपाल , उम्मेदबार भिमप्रसाद आचार्य, रामप्रसाद मेहता, जनता समाजवादी पार्टीका अध्यक्ष भगिरथ खत्वे सहित पदाधिककारी र सदस्यहरु उपस्थित भएका थिए ।
एमाले जसपाका उम्मेदबारहरुलाई देशमा विकास र समृद्धिका लागि मतदान गर्न अपिल गर्दै क्षेत्र नम्बर २ बाट प्रतिनिधिसभा निर्वाचनका लागि उम्मेदबार बन्नुभएका भिमप्रसाद आर्चाय र प्रदेश सभा सदस्यका उम्मेदबार रामप्रसाद मेहतालाई जिताउन आग्रह गरेको थियो ।
