विराटनगर । विराटनगर ७ मा रहेको सत्यनारायण माध्यमिक विद्यालयका २० जना विद्यार्थीहरुलाई छात्रवृती प्रदान गरिएको छ । सत्यनारायण माध्यमिक विद्यालयका २० जना विद्यार्थीहरुलाइ स्वर्गिय श्रीमती सुमनदेवी गोयल छात्रवृती प्रदान गरिएको हो ।
विद्यालयमा स्थापना गरिएको १४ लाख रकमको स्वर्गिय श्रीमती सुमनदेवी गोयल छात्रावृती कोषले हरेक बर्ष विद्यालयका विश्द्यार्थीहरुलाई छात्रवृती प्रदान गर्दै आइरहेको छ । छात्रवृती कोषले उत्कृष्ट रिजल्ट ल्याउने,मेहनती र अनुशासित, दलित तथा जेहेन्दार विद्यार्थीहरुलाई क्रमश ११ हजार, ६ हजार र ५ हजार छात्रवृती प्रदान गरेको छ । कार्यक्रममास्वर्गिय श्रीमती सुमनदेवी गोयल छात्रावृती कोषका संरक्षक दिनबन्धु गोयल, प्रध्यानाध्यापक पुरुषोत्तम गुरागाँई , विद्यालय व्यावस्थापन समितिका अध्यक्ष दिव्यराज कट्टेलले विद्यार्थीहरुलाइ प्रमाण पत्र र नगद प्रदान गरेका थिए ।
साथै विद्यालयका प्रध्यानाध्यापक पुरुषोत्तम गुरागाँईले हरेक बर्ष विद्यार्थीहरुलाइ प्रदान गर्दै आइरहेको छात्रवृतीले विद्यार्थीहरुको अध्ययनमा हौसला प्रदान गरेको र गरिव तथा जेहेन्दार विद्यार्थीहरुको शैषिक क्षेत्रमा टेवा पुगेको बताए । साथै स्वर्गिय श्रीमती सुमनदेवी गोयल छात्रावृती कोषका संरक्षक दिनबन्धु गोयलले जेहेन्दार, मेहेनती विद्यार्थीहरुलाइ सहयोग पुगोस भन्ने मनसायका साथ छात्रवृती कोषको स्थापना गरिएको बताए ।
स्वर्गिय श्रीमती सुमनदेवी गोयल छात्रावृती कोषका संरक्षक दिनबन्धु गोयलको सभापतित्वमा सम्पन्न भएको कार्यक्रममा जिल्ला शिक्षा समन्वय इकाई समितिका प्रमुख टंकप्रसाद गौतम प्रमुख अतिथिकारुपमा रहेका थिए । त्यसैगरि कार्यक्रममा पत्रकार महासंधका अध्यक्ष संजिव खनाल, शिक्षक प्रभात नेपाल लगायतको उपस्थिती रहेको थियो भने शिक्षक डेक बाँस्तोलाले कार्यक्रम संचालन गरेका थिए ।
