इनरुवा । सुनसरीको सदरमुकाम इनरुवा सहित दुहबी नगरपालिका, इटहरी उपमहानगरपालिका, गढी र हरिनगर गाउँपालिकामा समेत रथ यात्रा निकालिएको छ । दुहवीको श्री राधा कृष्ण मन्दिरबाट र इनरुवाको राधाकृष्ण मन्दिर र हरिनगरको बासुकिनाथ मन्दिरबाट हजारौंको संख्यामा स्थानीयहरुको सहभागितामा रथ यात्रा निकालिएको हो । दुहवीमा श्री कृष्ण जन्माष्टमी पूजा महोत्सवको आयोजनामा रथ यात्रा निकालिएको आयोजक महोत्सव समितिको अध्यक्ष पंकज हलुवाईले जानकारी दिनुभयो । दुहवी नगरपालिका वडा नं. ६ मा रहेको ऐतिहासीक श्री राधाकृष्ण मन्दिरमा विगत वि.स.२०४१ साल देखि मनाउदै आइरहेको श्री कृष्ण जन्माष्टमी पूजा महोत्सव यस वर्ष ३९ औं संस्करण हर्षोल्लास तथा भब्यताका साथ मनाएको हो ।
दुहवीमा कृष्ण जन्माष्टमी महोत्सवलाई सफलता पूर्वक सफल बनाउनका लागि १२ वटा उपसमितिहरु बनाएका थिए । दुहवीको विभिन्न जातजातिहरुले झाँकी सहित दुहबी बजार देखी ७ किलोमिटरसम्म रथ यात्रा परिक्रमा गरेको हजारौंको संख्यामा भक्तजनहरुको सहभागीता रहेको छ ।
सुनसरीको दुहबीमा भव्यक्ताका साथ निकालिएको रथयात्रामा भगवान कृष्णको वशं भनिएका नेपाल यादव सेवा समितिले समेत रथयात्रा परिक्रमामा सहभागीता जनाएको समितिका दुहवी अध्यक्ष गोविन्द यादवले जानकारी दिनुभयो ।
उता इनरुवाको रथ यात्रामा पनि हजारौ भक्तजनहरुले सहभागिता जनाएको स्थानीय सरिता घिमिरेले जानकारी दिनुभयो ।
त्यसैगरि पहिलो पटक हरिनगरमा रथयात्रामा हजारौंबढीको संख्यामा हिन्दु धर्मावलम्बीहरुले सहभागिता जनाएको हरिनगर गाउँपालिकाका उपाध्यक्ष रिमझिम कुमारी भगतले जानकारी दिनुभयो ।
पहिलो पटक कृष्ण जन्माष्टी महोत्सवको अवसरमा रथयात्रा कार्यक्रम भजन किर्तन सहित आयोजना गरेको उपाध्यक्ष भगतको भनाई छ ।
नेपाल यादव सेवा समिति हरिनगरले हरिनगरको रथयत्रामा र समितिको दुहवी कार्यसमिसत दुहवीको रथ यात्रामा सहभागीता जनाएको दुहवी अध्यक्ष गोविन्द यादवले जानकारी दिनुभयो र यादवले रथयात्रामा विगतमा पनि सहभागी हुदै आएकोमा यसपाली आफ्नो जातिय सहभागिता संस्थागत रुपमा गराउँदै रथयात्रामा झाकि र बालबालिकालाइ राधाकृष्ण जस्तै सिगांरिएर सहभागी भएको जानकारी दिनुभयो ।
यादव सेवा समितिका तर्फबाट रथ यात्रामा सहभागी हुनेहरु लोगो सहितको टि सर्ट र आफ्नो मौलिक पहिचानको साथ सहभागी भएका सल्लाहकार आषिशकुमार यादवले जानकारी दिनुभयो ।
यादव सेवा समिति दुहवीको अगुवाईमा भएको रथ यात्रा महोत्सवमा जिल्ला कार्यसमिति सचिव जयकृष्ण यादव, सदस्य देवकृष्ण यादव, अरुण यादव, दुर्गानन्द यादव, राजकुमार यादव, पत्रकार गनेशकुमार यादव समेतकाले सहभागीता जनाउनुभएको थियो । दुहवी समितिले यादव सेवा समितिको लोगो सहितको टि सर्ट र अबिर लगाएर स्वागतसगैं रथ यात्राको डोरी तान्ने अवसर दिएको सल्लाहकार यादवले जानकारी दिनुभयो ।
दुहवीको रथ यात्रामा नेवार, रौनीयार, साह, हलुवाई, मारवाडी, ओम शान्ती सहितका सेवा समितिहरु र समाजहरुको सहभागिता रहेको थियो । दश हजार बढी स्थानीयहरुले दुहवीको रथ यात्रामा सहभागिता जनाएका थिए ।
