भोक्राहा समाचारदाता , इनरुवा
२०७९ मंसिर ४ मा हुन गइरहेको चुनावको सरगर्मी बढ्दै गएको छ । सुनसरी जिल्ला प्रतिनिधिसभा सदस्य निर्वाचन क्षेत्र नं ४ मा नेपाली काँग्रेस बाट माननीय मन्त्री ज्ञानेन्द्र बहादुर कार्की, नेकपा एमाले जसपा गठबन्धन बाट पुर्व मन्त्री जगदिश कुसियैत रहेका छन भने लोकतान्त्रीक समाजवादी नेपाल (लोसपा) बाट पुर्व प्रोफेसर कुञ्जी लाल यादव रहेका छन । सुनसरी जिल्ला प्रतिनिधिसभा सदस्य निर्वाचन क्षेत्र नं ४ को निर्वाचन सधैं चासोको विषय रहने गरेको छ ।
लोसपा नेपालका उम्मेदवार पुर्व प्रोफेसर कुञ्जी लाल यादव भोक्राहा नरसिंह गाउँपालिका वडा नं ७ निवासी हुन । लोसपा नेपालका तर्फबाट सुनसरी जिल्ला प्रतिनिधिसभा सदस्य निर्वाचन क्षेत्र नं ४ पदका उम्मेदबार बन्नुभएका लोकतान्त्रिक समाजवादी पार्टी नेपाल(लोसपा) का कुञ्जी लाल यादवले आफू पहिचान र समानुपातिक प्रतिनिधित्व तथा विकास र समृद्धिका लागि काम गर्ने दावी गर्नुभएको छ । “म टुरिष्ट हैन, मेरो घर नै यहिँ हो, यहि माटोमा जन्मिए हुर्किए यो माटोको लागि केहि गर्ने प्रणका साथ उम्मेदवारी दिएको हो”, बताउँछन पुर्व प्रोफेसर समेत रहेका यादव । हामी आफैं सक्षम छौं, हामीलाइ टुरिष्ट चाहिदैन भन्ने मुद्दाको उठान आफुले गरेको दावी समेत यादवले गरे ।
कुञ्जी लाल यादवको उम्मेदवारीले एक विकास प्रेमी, सबल, सक्षम, जानकार, बौधिक व्यक्ति, समाजसेवी उम्मेदवार पाएको बताउँछन स्थानीय वासिन्दाहरु । यसअर्थ यादवका पक्षमा ठूलो जनलहर आकर्षित हुन थालेका छन ।
सुनसरी क्षेत्र नं ४ मा यसपालि टुरिष्ट उम्मेदवार कि स्थानीय उम्मेदवार भन्ने प्रश्नले स्थान पाएको देखिएको छ । अधिकांश मतदाताले हाल आएर टुरिष्ट उम्मदवारहरुलाई यसपालि बाइ बाइ गर्नु पर्ने कुरा राख्दै आएका छन । निर्वाचन क्षेत्र नं ४ का अकुम हुसैनका अनुसार, “विगतमा रुख छापमा मतदान गर्दै आएको तर निर्वाचित भएर गएका माननीय ५ वर्षमा आकलझुकल मात्र देखा पर्ने गरेको र स्थानीयहरुको समस्या जस्ताको तस्तै रहेको बताए ।” उनले थप प्रष्ट पार्दै भने,” म लगायत अधिकांश युवाहरु पुरानो अनुहारका उम्मेदवारहरुलाइ पाखा लगाउने र यसपालि पुरानालाइ पुनः मत दिएर विगतमा गरेको गल्ती नगर्ने, साथै टुरिष्ट उम्मेदवारहरुलाई यसपालि फिर्ता पठाउने बताउँछन ।”
नेकपा एमाले जसपा गठबन्धनबाट उम्मेदवारी दिएका पुर्व मन्त्री जगदिश कुसियैत स्थानीय नेता भएता पनि पटक पटक निर्वाचित गराउँदा समेत जनताको समस्या समाधान गर्न भन्दा पदमा बस्ने बाहेक केहि नगरेको बताउछन स्थानीय । जगदिश कुसियैतको आफ्नै गाउँपालिकामा समेत टेलिफोनको टावर नरहेको र फोन गर्न समेत रुख चढ्नु पर्ने स्थिति रहेको बताउँदै मन्त्री हुदा सिन्को समेत भाँच्न नसक्नेले फेरि अघिल्लो चुनावको एजेन्डा द्वारा ललिपप दिन खोजिरहेको स्थानीय बताउछन ।
