इनरुवा । सुनसरीको हरिनगर गाउँपालिका वडा-२ मा आज बिहान ८ बजे देखि किसानहरुले १ बोरा युरिया मलको लागि लामो लाइनमा बसेका छन्। मलको अभावले गर्दा किसानहरु चिन्तित छन्, किनकि यदि समयमै मल प्राप्त नगर्ने हो भने, खेतमा लगाइएका बाली नष्ट हुने सम्भावना बढेको छ।
यस समस्यामा हरिनगर गाउँपालिका अध्यक्षले प्रतिक्रिया जनाउँदै भने, “हामी सकेजति किसानलाई सहयोग गर्दै आएका छौँ। पालिकाको तर्फबाट अझ पहल गरी, किसानको मल उपलब्धता सुनिश्चित गर्ने काम गरिरहेका छौँ।”
किसानहरुको यो समस्यालाई समाधान गर्न पालिकाले थप कदम चाल्ने आश्वासन दिएको छ।
