सुनसरीको इनरुवा नगरपालिका ९ बबियाको सरस्वती माध्यमिक विद्यलायमा रहेको जग्गा एक जना वडा अध्यक्षको बाउँले ३० वर्षदेखी उपभोग गरिहेको पाइएको छ । तत्कालिन विद्यालय व्यवस्थापन समितिका अध्यक्ष रामजनम यादवको पालामा करिव एक विघा ७ कठ्ठा जग्गा ठेक्कामा लिएको हबिब मंसुरीले हालसम्म एकल रजाई जमाईरहेको पाईएको हो । बर्षौसम्म जुन जग्गा विद्यालयले चर्चेको थियो , त्यसमा पूर्व गाविस अध्यक्ष समेत रहेका हाल इनरुवा ९ का वडा अध्यक्षका बुवा रहेका हबिब मंसुरीले ठेक्का लिने तर बक्यौता नतिर्ने प्रवृतिले विद्यालय समस्यामा परेको बुझिएको छ । जग्गा ठेक्का लिदाँ दक्षिण र पश्चिमका सुनसरी खोला सीमा रहेको र उतरपूर्वमा तुलसी श्रेष्ठहरुको जग्गा रहेकोमा तीसौं वर्षदेखी एकलौटी विद्यलायको जग्गा उपभोग गरिहेका मंसुरीले तीन वर्षअघि बार्षिक २७ हजार रुपैयाँको दरले प्रतिविघा ठेक्का लिएको जग्गाको हालसम्म ४० हजार मात्रै तिरेको छ । जवकी नियमानुसार वर्षमा बक्यौता नतिरेको अवस्थामा प्रतिवर्ष थप १० देखी १५ प्रतिशत जरिवाना तिर्नुपर्नेमा नतिरि अटेर गरेको पाइएको विद्यालय स्रोतले जनाएको छ । पुराना पाँच बढी विद्यालय व्यवस्थापन समितिका अध्यक्षहरुले बेवास्ता गर्दा लाखौको घाटा भईहरेको तर ठेक्का लिने मंसुरीले बार्षिक लाखौको माटो बेच्दै आएको र बाढीको वाहाना देखाएर ठेक्का नतिरेको बुझिएको छ ।
ठेक्केदारको अर्को रहस्य ः
हालका विद्यालयको जग्गाका ठेक्केदार हविब मंसुरीले विद्यालयको जग्गासगैं टासिएको जग्गा हाल किनेकाले उनले नापजाँच गराउनुपर्नेमा उल्टै विद्यालयको पनि र अरुको नम्बरी समेत नदीको उकास भन्दै उपभोग गर्दै आएका थिए । त्यसबाट उनले बार्षिक कम्तिमा चार लाख रुपैया विद्यालयकै जग्गाबाट आम्दानी गर्दैै आएको स्थानीयहरुले बताएका छन् । विद्यालय व्यवस्थापन समितिहरुमा मंसुरीले आफ्नो कुरा खानेहरुलाई पुर्याउने र शैक्षिक गुणस्तर भन्दा विद्यालयको जग्गा कौडीको भाउँमा र त्यो पनि तिर्न नपरोस भनेर लागि परेको देखिएको छ । तत्कालिन अध्यक्ष रामजनम यादवको पालामा करिव एक विघा ठेक्का लागेकोमा त्यसयता देवरुप साह, कृष्णदेव मेहता, बुधनारायण मेहता, यदुनन्दन यादव र हाल समितिमा जयकृष्ण यादव अध्यक्ष रहेका छन् । यतीका समिति मध्ये कोही पनि जग्गा ठेक्का र बक्यौताका बारेमा प्रष्ट खुलेर नबोलेका कारण मंसुरीको रजाई हावी भएको हो ।
वर्तमान समिति अध्यक्ष जयकृष्ण यादवको प्रतिकृया ः विगतमा जग्गा खाने र समितिमा बस्नेहरु कुनै न कुनै माध्यमबाट पदेन र अन्य हिसावले सदस्य बसेकाले जग्गा र स्कूल दोहन भएको छ । आफूलाई फाईदा भएसम्म जग्गा खानेहरु वा गर्नेहरुले नापजाँच नगरि खाईरहेको थियो । अहिले आएपछि जग्गा के, कुन अवस्थामा रहेको छ ?, त्यसको ठेक्का वा खाली के कस्तो अवस्था हो ?, ठेक्काबापतको बक्यौता कति उठिरहेको छ ? जग्गा कसरी उत्पादन भईरहेको छ ? त्यसको यथार्त जानकारीका लागि आफूले खोजविन गरेको हो । शैक्षिक गुणस्तर र विद्यलायको जग्गा सहितको सम्पती संरक्षण गर्ने असल विद्यालय व्यवस्थापन समितिको काम, कर्तव्य भित्रै पर्ने भएकाले जग्गाको अवस्था बुझ्ने काम गरेको हो । विद्यालयमा १९ विघा जग्गा भएपनि आम्दानी वर्षको एक लाख पनि नआएकोले त्यसको जानकारीका लागि आफूले खोजविन गरेको हो । सरकारी सम्पती भनेको सबैको साझा सम्पती भएको र त्यसको संरक्षण पनि साझाँ रुपमा गर्नुपर्ने धारणाका साथ आफूले जग्गा खोजविनमा लागेको जनाएको छ ।
