इनरुवा । सुनसरीको भोक्राहा नरसिंह गाउँपालिका सहित देशै भर हर्षोल्लासका साथ बटसावित्री अर्थात बरसाईत पर्व मनाउँदै ।
मिथलाञ्चलका महिलाहरुले आज हर्षोल्लासका सावित्री पर्व मनाउदे देश भरी मिथिलाञ्चलका महिलाहरुले आफ्ना पतिको दीर्घायुको कामना गर्दै आज बटसावित्री अर्थात बरसाइत पर्व मनाइरहेका छन् । जेठमा अमावस्या तिथिमा प्रत्येक वर्ष मनाउने यस पर्वमा देवी पार्वती, सावित्री र नाग–नागिनीका साथै बरको बोटको पूजा गर्ने चलन छ ।
मिथिलाका महिलाहरू बिहानैदेखि उपवास बसेर स्नान गरी नयाँ बस्त्रधारण गरी पूजाको थालीमा आँप, केरा, हाते पङ्खा, मिठाई, चना, काँक्रो लगायतका सामग्री लिएर बरको पूजा गरी सावित्री, नागनागिनी र पार्वतीलाई प्रसाद चढाउने गर्दछन् ।
प्राचीनकालमा सावित्रीले आफ्नो पति सत्यलाई यमराजको हातबाट मुक्त गराई नयाँ जीवन दिलाउने सफल भएपछि शोही समय देखि बट सावित्री अर्थात् वर्ष साइत पर्व मनाउन शुरु गरिएको धार्मिक विश्वाश छ।
विषेशगरी नवविवाहित महिलाहरु अत्यन्त उत्साह र धुमधामका साथ यो पूजामा सहभागी हुने गर्दछ। नवविवाहित महिलाले घरबाट माइतमा ल्याएको नयाँ वस्त्र धारण गरी साथीहरूका साथमा विवाह र वर्ष साइत प्रबको पारम्परिक गीत गाउँदै बरको रुखमुनि भेला हुने चलन छ।
