इनरुवा । सुनसरी सदरमुकाम इनरुवा–९ बबियाका किसान प्रदीप मेहताले तरकारी खेतीमा आकर्षण बढाउँदै यस वर्ष १ बिघा जमिनमा आलु खेती गरेका छन्। विगत २० वर्षदेखि कृषि पेसामा सक्रिय रहेका मेहताले यसपालि आलु खेतीबाट ५ देखि ६ लाख रुपैयाँ आम्दानी गर्ने लक्ष्य राखेका छन्।
उनका अनुसार १ बिघा जमिनमा आलु खेतीका लागि करिब ३ लाख रुपैयाँ लगानी गरेका छन्। यद्यपि, आलु खेती गर्दा जनशक्तिको अभाव, रासायनिक मलको कमी, र जाडो मौसमका कारण असिनाको जोखिम जस्ता चुनौतीहरू सामना गर्नुपरेको छ।
मेहताले तरकारी खेतीले आर्थिक आम्दानी वृद्धि गर्न सहयोग गरेको बताउँदै, आलु खेतीले अन्य किसानलाई पनि प्रोत्साहन दिने विश्वास व्यक्त गरेका छन्।
