बैतडी । आज बिहान ७:५४ बजे बैतडी जिल्लाको नवाघर वरपर केन्द्रबिन्दु बनाएर ४.६ म्याग्निच्युडको भूकम्प गएको छ। भूकम्पले बैतडीसहित आसपासका जिल्लाहरूमा पनि धक्का महसुस भएको राष्ट्रिय भूकम्प मापन तथा अनुसन्धान केन्द्रले जनाएको छ।
भूकम्पले कुनै ठूलो भौतिक क्षति वा मानवीय क्षति भएको अहिलेसम्म जानकारी प्राप्त भएको छैन। स्थानीयवासी भने भूकम्पको धक्काले त्रसित भएका छन्।
केन्द्रका अनुसार भूकम्प हिमालय क्षेत्रमा भइरहेको भूगर्भीय हलचलको परिणाम हो। नेपाल भूकम्पीय जोखिममा रहेको क्षेत्र भएकाले सधैं सतर्क रहनुपर्ने विज्ञहरूले सुझाव दिएका छन्।
