इनरुवा । माघ २७ गते राति करिब १०:३० बजे धरान उप-महानगरपालिका वडा नं. १९ स्थित हरियाली चारकोसे जंगलमा इलाका प्रहरी कार्यालय धरानको टोलीले शंकास्पद कारलाई चेकजाँच गर्ने क्रममा भरुवा बन्दुकसहित पाँचजनालाई नियन्त्रणमा लिएको छ।
धरानबाट रास तालतर्फ गइरहेको बा. ४ च. ४३३ नम्बरको कारको पछाडिको सिटमुनी लुकाइएको भरुवा बन्दुक, दुईवटा टोटा बन्दुकको गोली, बारुदका बट्टा, फलामको गोली र खुकुरी फेला परेको प्रहरीले जनाएको छ।
पक्राउ परेका व्यक्ति १. ज्योतिस चौधरी (३५ वर्ष) – इटहरी उप-महानगरपालिका वडा नं. १३।२. सन्जु राई (३३ वर्ष) – रामधुनी नगरपालिका वडा नं. ७।३. विनय राज धामी (३१ वर्ष) – रामधुनी नगरपालिका वडा नं. ७।४. दिवश माझी (२८ वर्ष) – रामधुनी नगरपालिका वडा नं. ७।५. मेहरमान भुजेल (४१ वर्ष) – सुन्दरहरैचा नगरपालिका वडा नं. २ का रहेकाे छ।
पक्राउ परेका पाँचैजनालाई इलाका प्रहरी कार्यालय धरानमा राखी थप अनुसन्धान भइरहेको प्रहरी स्रोतले जनाएको छ । भने बरामद गरिएको हतियार तथा वस्तुहरू कानुनी कारबाहीका लागि परीक्षणमा लगिएको छ।
