इनरुवा । पर्यटन, वन तथा वातावरण मन्त्री सदानन्द मण्डलको अध्यक्षतामा इनरुवामा एक महत्वपूर्ण पर्यटन सम्बन्धी नीतिगत अन्तरक्रिया सम्पन्न भएको छ। पर्यटन वर्ष २०८२ सचिवालयको आयोजनामा सम्पन्न सो कार्यक्रम सुनसरी जिल्लाको सदरमुकाम इनरवास्थित जिल्ला समन्वय समितिको सभाहलमा सम्पन्न भएको हो।
कार्यक्रममा पर्यटन विकासका विविध योजना र तिनको कार्यान्वयनबारे गहन छलफल गरिएको मन्त्री मण्डलले जानकारी दिनुभयो। छलफलमा प्रदेश नं. १ अन्तर्गतका १४ जिल्लाका जिल्ला समन्वय समितिका प्रमुखहरूको सहभागिता रहेको थियो।
कार्यक्रममा स्थानीय तथा क्षेत्रीय स्तरमा पर्यटन प्रवर्द्धनका चुनौती र सम्भावनाबारे गम्भीर रूपमा विमर्श गरिएको थियो। सहभागी समन्वय प्रमुखहरूले आ-आफ्नो जिल्लाको तर्फबाट पर्यटन विकासका लागि आवश्यक पहल र योजनाहरू प्रस्तुत गरेका थिए।
मन्त्री मण्डलले सहभागी सबै जिल्लाहरूलाई समेट्ने साझा कार्ययोजना तयार गर्न वातावरण मन्त्रालय प्रतिबद्ध रहेको उल्लेख गर्नुभयो।
