रबिन्द्र यादव ,सुनसरी । भाेक्राहा नरसिंह गाउँपालिका वडा नम्बर ५ र ७ काे सीमानामा रहेको नरसिंहनाथ सामुदायिक वनमा शिवलिंग भेटिएको भन्दै श्रद्धालु भक्तजनहरूकाे भीड लाग्ने गरेका छन् ।
सामुदायिक वनमा गाई र भैंसी चराउने बेलामा एक जना भैंसी किसानले ढुंगा भन्दै लात्तीले हिर्काएपछि मान्छे अचेत भएको र अनुहार राताे भएको नरसिंहका स्थानीय गाउँवासीहरू बताउँछन् ।
स्थानीयहरूले बताएअनुसार ढुंगा भन्दै लात्तीले हिर्काएकाे व्यक्तिलाई केही घण्टा पछि अर्का भैंसी किसानले उक्त ढुंगालाई उठाएर सुरक्षित स्थानमा राखेका थिए ।
त्यसपछि अचेत अस्थामा रहेका व्यक्ति आफ्नो हाेसमा आएपछि उनले भने म ढुंगालाई लात्तीले त्यतिकै हाने त्यसपछि मलाई अचानक के भयाे मलाई थाहा भएनन् । तर मेरो गल्ती भयाे मलाई स्वीकार गर्नुपर्छ , म गल्ती स्वीकार गरेकाे बताए।
शुक्रबारदेखि आज साेमबारसम्म साे सामुदायिक वनमा शिवलिंग हेर्ने भक्तजनहरूकाे भीड लाग्ने गरेकाे स्थानीय हरिदेव ठाकुर(हरिहर) काे कथन छ ।
उनले बताएअनुसार शुक्रबारदेखि आज साेमबार सम्म झन्डै ७/८ हजारकाे हराहरीमा मान्छेले दर्शन गरेर फर्केको समाचार तयार गर्दा सम्म मान्छेहरूकाे आउनेजाने क्रम जारी रहेको अर्का स्थानीय उपेन्द्र मेहता बताउछन् ।
त्यस्तै जंगलमा भेटिएको शिवलिंगमा आजसम्म १५ हजार भन्दा बढी भेटी रकम चढाएको पुजारी प्रमेशवरी यादवले(भगवान) बताए ।
उता नरसिंहनाथ सामुदायिक वनमा भेटिएको शिवलिङ्गकाे नाम बाबा श्री पुरुषोत्तम नाथ महादेव नामकरण गरिएको छ ।
गाउँका धार्मिक गुरुहरूको सल्लाहमा पुरुषोत्तम महादेव नामकरण गरिएको हो । शिवलिङ्ग भेटिएसँगै वन क्षेत्रमा दर्शनार्थीहरूको भीड बढ्न थालेको स्थानीय मुकेश यादवले जानकारी दिए ।
