इनरुवा । सुनसरीका प्रमुख राजनीतिक तलहरुले मंसिर १६ गते हुन लागेको गढी गाउँपालिका ६ नम्बर वडाको उपनिर्वाचनमा निर्वाचन आचारसिंहता पूर्ण पालन गर्ने प्रतिबद्धता जनाएका छन् । जिल्ला तथा स्थानीय तहका राजनीतिक दलहरुले निर्वाचन आचारसंहिता कार्यान्वयन गर्ने लिखित प्रतिवद्धता जनाएका हुन् ।
मुख्य निर्वाचन अधिकृतको कार्यालयले सनिबार आचारसंहिता कार्यान्वयनबारे छलफलका लागि गढी गाउँपालिका ६ नम्बर वडाको उपनिर्वाचनमा उम्मेदबारी दिएको दश राजनीतिक दल र दुई स्वतन्त्रका उम्मेदबार समेतलाई बोलाई छलफल गर्दा दलहरु तथा उम्मेदबारहरुले निर्वाचन आचारसंहिता कार्यान्वयन गर्ने लिखित प्रतिवद्धता जनाएका हुन् ।
मुख्य निर्वाचन अधिकृतको कार्यालयका प्रमुख मुकेश उपाध्यायले दलहरु तथा उम्मेदबारहरुले निर्वाचन र मतदान, मतगणनासम्म निर्वाचन आचारसिंहता पूर्ण पालन गर्ने प्रतिबद्धता जनाएको जानकारी दिनुभयो ।
मुख्य निर्वाचन अधिकृतको कार्यालयले वडामा वडा अध्यक्षका उम्मेदबारहरु तथा निर्वाचनमा भाग लिएका राजनीतिक दलका प्रतिनिधिहरुलाई बोलाएको थियो । सुनसरीका प्रमुख जिल्ला अधिकारी रामचन्द्र तिवारी, प्रहरी उपरीक्षक सुमन कुमार तिम्सिना, सशस्त्र प्रहरी प्रमुख, राष्टिय अनुसंधान र नेपाली सेना सहितको सुरक्षा अधिकारी र जिल्लाका दलहरु तथा उम्मेदबारहरुको सहभागीतामा भएको छलफलमा सबैले आ आफ्नो स्थानबाट निर्वाचन आचार संहिता २०७९ लाई पूर्ण पालन गर्दै निर्वाचनलाई स्वच्छ, निष्पक्ष र भयरहित बनाउने प्रतिबद्धता जनाएको उपाध्यायले जानकारी दिनुभयो ।
संघीय र प्रदेशका सासद, मन्त्रीहरु र जनप्रतिनिधिहरु चुनाव प्रचारमा सहभागी हुन नपाउने व्यवस्थाको केहीले विरोध गरेका थिए ।
जिल्लाको एउटै वडा मात्रै उपनिर्वाचन भईरहेको र सबैको चासो बढेसगैं निर्वाचन आचार संहिता त्यतीकै उलघंन भएको गुनासो बढेकाले सर्वपक्षीय रुपमा छलफल गरेकोमा त्यसलाई पूर्ण पालन गर्दै अगाडि बढ्ने प्रतिवद्धा जनाएको जिल्ला निर्वाचन कार्यालाय सुनसरीका निर्वाचन अधिकारी कृष्ण प्रसाद पौडेलले जानकारी दिनुभयो ।
