विश्व बालश्रमविरुद्धको दिवस आज (आइतबार) परेको छ । बालश्रमका विरुद्धमा विविध कार्यक्रम गरेर प्रत्येक वर्ष जुन १२ मा नेपालसहित विश्वभर यो दिवस मनाउने गरिन्छ ।
मानसिक, सामाजिक र शारीरिक रूपमै असर पर्ने गरी बालबालिकालाई रोजगारमूलक काम एवम् विभिन्न श्रममा लगाउनु बालश्रम हो । कानुनले १८ वर्ष मुनिकालाई बालबालिका मानेको छ । शारीरिक तथा मानसिक तवरले परिपक्व मानिसले मात्रै श्रम गर्नुपर्छ । बालबालिकालाई श्रममा लगाउन कानुनले रोकेको छ ।
