काठमाडौं। गायक सरोज सन्तलाई ‘कल्चरल नेशनल म्युजिक अवार्ड’ २०२४ बाट सम्मानित गरिएको छ। यो सम्मान उपमा संचार प्रा.लि. द्वारा काठमाडौंको चाबेहिल स्थित चलचित्र विकास बोर्डको हलमा आयोजित कार्यक्रममा दिइएको हो।
कार्यक्रमका मुख्य अतिथि उद्योग, वाणिज्य तथा आपूर्ति मन्त्री माननीय दामोदर भण्डारी, बुढानिलकण्ठ नगरपालिका नगरप्रमुख मिठारम अधिकारी र आयोजक संस्थाका सभापति आशा गौतमले सरोज सन्तलाई खादा, सम्मान पत्र र ट्रोफी प्रदान गरे। मैथिली गीत संगीतलाई राष्ट्रिय र अन्तर्राष्ट्रिय स्तरमा पुर्याउन सरोज सन्तको योगदान महत्वपूर्ण रहेकोमा उनलाई यो सम्मान प्रदान गरिएको हो।
बिगत एक दशकदेखि गायनमा सक्रिय रहेका सरोज सन्तका एक सयभन्दा बढी गीत संगीत क्षेत्रमा चर्चामा छन् भने उनले करीब ३०० मैथिली गीत र म्युजिक भिडियोमा काम गरेका छन्।
