हरिनगर, सुनसरी, माघ १ गते । माघे संक्रान्ति तथा माघी पर्व २०८१ को अवसरमा हरिनगर गाउँपालिकाका अध्यक्ष गफार अन्सारीले सम्पूर्ण नेपाली दाजुभाइ तथा दिदीबहिनीमा शुभकामना व्यक्त गर्नुभएको छ।
अध्यक्ष अन्सारीले शुभकामना सन्देश जारी गर्दै भन्नुभएको छ, “माघे संक्रान्ति सूर्य धनु राशिबाट मकर राशिमा प्रवेश गर्ने महत्वपूर्ण दिन हो। यसलाई मकर संक्रान्ति पनि भनिन्छ। यो पर्वले आपसी सद्भाव, सामाजिक एकता, र संस्कृतिको जगेर्ना गर्ने अवसर प्रदान गर्दछ। विशेषगरी तराई क्षेत्रमा थारू समुदायले माघी पर्वका रूपमा यसलाई मनाउने परम्परा छ। माघीमा घ्यू, चाकु, तरुल, तील, खित्रो, र अन्य परम्परागत परिकारहरूको विशेष महत्व छ।”
उहाँले यस पर्वले विविधतायुक्त नेपाली समाजमा मेलमिलाप र भाइचारा बढाउने विश्वास व्यक्त गर्नुभयो। साथै, अध्यक्ष अन्सारीले परम्परागत चाडपर्वहरूको संरक्षण र प्रवर्द्धनमा जोड दिनुपर्ने आवश्यकता औंल्याउनुभएको छ।
अध्यक्ष गफार अन्सारीले माघे संक्रान्ति र माघी पर्वले सबैको जीवनमा सुख, शान्ति, र समृद्धि ल्याओस् भन्ने कामना गर्नुभएको छ।
– समाचार
VOP Khabar
