इनरुवा । शनिबार सुनसरी जिल्लाको कोशीटप्पु वन्यजन्तु आरक्षमा जिल्ला अस्पताल सुनसरीको आयोजनामा वनभोज कार्यक्रम सम्पन्न भएको छ। कार्यक्रममा जिल्ला अस्पताल र स्वास्थ्य कार्यालय सुनसरीका अधिकारी तथा कर्मचारी, स्थानीय जनप्रतिनिधि, पत्रकार लगायत विभिन्न क्षेत्रका व्यक्तिहरुको उत्साहजनक उपस्थिति रहेको थियो।
वनभोज कार्यक्रमलाई मनोरञ्जनात्मक बनाउन विभिन्न खेलकुद प्रतियोगिताको आयोजना गरिएको थियो। साथै, विभिन्न कलाकारहरुले प्रस्तुत गरेको संगीतिक कार्यक्रमले सहभागीहरुलाई थप उत्साहित बनायो।
कार्यक्रमको उद्देश्य सहभागीहरुबीच आपसी सम्बन्ध मजबुत बनाउनु र आवश्यक परेमा सहयोग गर्न सजिलो बनाउनु रहेको आयोजकले जनाएको छ।
जिल्ला अस्पताल सुनसरीले यस प्रकारका कार्यक्रमले स्वास्थ्यकर्मी, जनप्रतिनिधि र समुदायबीचको सम्बन्ध अझ प्रगाढ हुने विश्वास व्यक्त गरेको छ।
