सुनसरी इनरुवा नगरपालिका ९ बबिया नेपाली कांग्रेस वडा समितिले सरस्वती माध्यमिक विद्यालयको विद्यालय व्यवस्थापन समितिका पदाधिकारीलाई सम्मान गरेको छ । शैक्षिक क्षेत्र सुधार र शिक्षामा सुशासनका लागि काम गर्न प्रेरणा सहित जिल्ला सदरमुकाम समेत रहेको इनरुवा नगरपालिका ९ बबियामा सोमबार सम्मान गरिएको हो ।
काग्रेंस पार्टीका जिल्ला सभापति केदार भण्डारीले समितिका जयकृष्ण यादव, यद्धुनन्दन यादव, लहरी खत्वे सहितकालाई एक कार्यक्रमका बीच सम्मान गर्नुभएको हो । सम्मान कार्यक्रममा पार्टीका माहाधिवेशन प्रतिनिधि प्रकाश नेपाली, स्थानीय नेता कृष्णदेव मेहता, बुधनारायण मेहता, एसएन मेहता, मनोज कुमार यादव, कुश्मी शर्मा, बाजुद्धिन मियाँ, रेनु मेहता, उत्तिमलाल यादव, सोहेव खाँ लगायतको उपस्थिती रहेको थियो । पार्टीको वडा समितिको आयोजनामा सम्मान गरेको पार्टीको इनरुवा ९ वडा समिति सभापति लक्ष्मी चौधरीले जानकारी दिनुभयो ।
