बिराटनगर । सुनसरीको देवानगञ्ज गाउँपालिका वडा-३ का अध्यक्ष अनिल कुमार भगतले को.१ ब १३२८ नम्बरको सरकारी मोटरसाइकल गाडी दुरुपयोग गरेका छन । अध्यक्ष भगतले शनिबार पनि जिल्ला प्रशासन कार्यालयको अनुमती विना सरकारी गाडी लिएर घुमफिर र खानपानमा हिँडेको भेटिएको छ ।
शनिबार साझ पालिकाको स्थानीय देवानगञ्ज बजारमा अध्यक्ष भगतले चिया नास्ता खानको लागि सरकारी गाडी लिएर बजार पुगेका थिए । स्थानीयहरुले सरकारी गाडीको दुरुपयोग गरेको भन्दै नियन्त्रणमा लिन खोज्दा भागेका छन् ।
मिटर ब्याजीको समेत आरोप लागेका अध्यक्ष भगतको पछिल्लो समय विवादमा तानिएका छन् । उनले स्थानीयहरुलाई हजारौं रुपैयाँ दिएर लाखौं लिएको खुलेको छ । उनी अहिले मिटर ब्याजीको नामबाट प्रख्यात छन् ।
वडा अध्यक्ष भगतले नेपाल-भारतको बोर्डर सम्म जानको लागि सरकारी गाडीको प्रयोग गरेको बताए । उनले शनिबार सरकारी गाडी चलाउन नपाउने नियम आफुलाई थाहा नभएको बताए । उनले जनताको कामको लागि सरकारी गाडी लिएर गइरहेको भिडियोमा बताउँछन् ।
उनले यसअघि पनि पटक-पटक सरकारी गाडीको दुरुपयोग गरेको आरोप लाग्ने गरेको छ । यसअघि गत जेठ महिनामा सोही नम्बरको गाडी दुरुपयोग गरेको थियो । गाउँपालिकाका प्रवक्ता समेत रहेका भगतको छोराले सरकारी गाडीमा कुकुरलाई पालिका भ्रमण गराएका थिए । उनको छोराले गाडीको अगाडिमा राखेर स्थानीय बजारमा घुमाएका थिए ।
यता जिल्ला प्रशासन कार्यालय सुनसरीले कुनै पनि सरकारी गाडी शनीबार वा विदाको दिन प्रयोग गर्नु परेका अनुमती जारी गर्नुपर्ने भएपनि श्रावण २० गते शनिबारका लागि कुनै पास वा अनुमती जारी नगरिएको जनाएको छ ।
