काठमाडौं । मकवानपुर, हेटौंडा उपमहानगरपालिका–१५ रातोमाटेबाट अवैध लागूऔषध गाँजा करिब ९ केजी १ सय ५० ग्रामसहित ४ जनालाई बुधबार दिउँसो प्रहरीले पक्राउ गरेको छ ।
पक्राउ पर्नेहरूमा पर्सा वीरगंज महानगरपालिका–९ बस्ने ३१ वर्षीय धनराज गिरी, मकवानपुर राक्सिराङ गाउँपालिका(३ बस्ने ४२ वर्षीय वुद्धिलाल देमदुङ, भारत सितामढी घर भएका २२ वर्षीय दिपक यादव र धनुषा महेन्द्रनगर नगरपालिका–१६ बस्ने १८ वर्षीय किशोर रहेका छन् ।
प्रहरी चौकी रातोमाटेबाट खटिएको प्रहरीले चितवनबाट वीरगंजतर्फ जाँदै गरेको ना.८ ख ७३४६ नम्बरको बसलाई जाँच गर्ने क्रममा बसमा सवार उनीहरूलाई उक्त गाँजासहित पक्राउ गरेको हो ।
महोत्तरी, औरही नगरपालिका–२ फुलबरीयास्थित उखु खेतबाट अवैध लागूऔषध गाँजा करिब ६० केजी बुधबार दिउँसो प्रहरीले बरामद गरेको छ । खेतमा शंकास्पद ३ पोका रहेको भन्ने विशेष सूचनाको आधारमा प्रहरी चौकी औरहीबाट खटिएको प्रहरीले उक्त गाँजा फेला पारी बरामद गरेको हो ।
गाँजा राख्ने व्यक्तिहरूको प्रहरीले खोजी गरिरहेको छ । यस सम्बन्धमा प्रहरीले थप अनुसन्धान गरिरहेको छ ।
