इनरुवा ।नेपाली कांग्रेसले आफ्नो चुनावी अभियान तीब्र पारेको बेला सुनसरी सदरमुकाम इनरुवा ९ बवियामा अन्तरक्रिया कार्यक्रम सम्पन्न गरिएको छ ।
पार्टीको वडा समितिको आयोजनामा अन्तरक्रिया कार्यक्रम सम्पन्न गरेको पार्टीको इनरुवा ९ गाउँ समिति सभापति लक्ष्मी चौधरीले जानकारी दिए ।
चौधरीका अनुसार कार्यक्रममा पार्टीका जिल्ला सभापति केदार भण्डारीले आफुहरुको पार्टी र एजेन्डा देश र जनताको हितमा रहेकाले आफ्नो पार्टीलाई मतदान गर्नका लागि घरदैलो तीब्र बनाउनु पर्ने बताएको छ ।
समाजमा कांग्रेसप्रतिको आस्था र भावना बढ्दै गएकाले त्यसलाई संस्थागत गर्न जरुरी रहेको पार्टी सभापति भण्डारीले बताए ।
भण्डारीले स्थानीय तहको निर्वाचनमा आफुहरु बीचमा रहेको केही असमझदारीका कारण वडाको निर्वाचनमा पराजय बेहोर्नु परेको कुरालाई समिक्षा गरि अगाडी बढ्नुपर्ने बताए ।।
कार्यक्रममा बिगतमा रहेको कमि कमजोरी र गुटबन्दीलाई छाडेर आ आफ्नो तर्फबाट आत्म आलोचना गर्दै पार्टीमा एकिकृत भएर मतदान गर्न लाग्ने देखेर आफुलाई खुशी लागेको बताए ।
त्यस्तै कार्यक्रममा पार्टीका माहाधिवेसन प्रतिनिधि प्रकाश नेपालीले पार्टी भित्र सुशासन र पार्दशिता आवश्यक रहेको बताउँदै यसलाई संस्थागत गर्न एकता आवश्यक रहेको बताए ।
कार्यक्रममा स्थानीय नेता कृष्णदेव मेहता, एसएन मेहता, मनोज कुमार यादव, कुश्मी शर्मा, बाजुद्धिन मियाँ, यद्धुनन्दन यादव, लहरी खत्वे, रेनु मेहता, उत्तिमलाल यादव, सोहेव खाँ लगायतको उपस्थिती रहेको थियो ।
