सुनसरी । धार्मिक तथा पर्यटकीय स्थल बराहक्षेत्रमा अत्याधुनिक प्रहरी चौकी निर्माण गरी बुधबारदेखि सञ्चालनमा ल्याइएको छ। बराहक्षेत्र नगरपालिका-१ मा निर्मित अढाई तल्ले भवनको उद्घाटन कोशी प्रदेश प्रहरी कार्यालयका प्रमुख प्रहरी नायब महानिरीक्षक चन्द्रकुवेर खापुङले गरे।
नेपालकै प्रसिद्ध धार्मिक तीर्थस्थल मानिने बराहक्षेत्रमा भारतबाट समेत उल्लेख्य मात्रामा दर्शनार्थी आउने र भीडभाड बढी हुने भएकाले सुरक्षा व्यवस्थालाई चुस्त बनाउन तथा सेवा प्रवाहलाई सहज बनाउन यो भवन निर्माण गरिएको खापुङले बताए।
यो भवन निर्माणमा तीन करोड २१ लाख ६९ हजार ३१३ रुपैयाँ खर्च भएको सुनसरीका प्रहरी प्रमुख प्रहरी उपरीक्षक सुमन कुमार तिम्सिनाले जानकारी दिए।
